ජනතාව පීඩාවට පත් කරමින් ෂි ජින් පින් රජය විසින් මෙහෙයවනු ලබන චීනයේ කොරෝනා ශූනය ප්රතිපත්තිය අසාර්ථක බව විදෙස් මාධ්ය පෙන්වා දෙයි.
කොරෝනා ආසාදිතයින් හමුවන නගර වසා දැමීම චීනයේ ප්රතිපත්තිය බැවින් මේවනවිටත් චීනයේ ෂැංහයි සහ හයිනැන් නගර සම්පූර්ණයෙන් වසා දමා ඇති අතර ටිබෙටයේ කොටසක් වසා දැමීමට ද චීනය පියවර ගෙන තිබේ.
වසා දැමුණු නගර තුළින් හමුවන කොරෝනා ආසාදිතයින් සංඛ්යාව ද ඉහළ යමින් තිබියදී තවත් නගරවලින් කොරෝනා ආසාදිතයින් හමුවෙමින් ඇති බව විදෙස් මාධ්ය පවසයි.
ඊට අමතරව චීනයේ කොරෝනා ශූනය ප්රතිපත්තිය හමුවේ එරට වැසියන් මහත් මානසික පීඩනයකට ලක්ව ඇති බව ද සඳහන්.
දීර්ඝ කාලීන ලෙස නගර වසා දැමීමේ ක්රියාවලියකට ලක්වීම හෝ රැකියා අවස්ථා අහිමි වනු ඇති බවට චීන වැසියන් බියෙන් පසුවන බව ද පැවසෙයි.
කොරෝනා ශූනය ප්රතිපත්තිය යටතේ චීනයේ ඉදිකර ඇති බොහෝ නිරෝධායන මධ්යස්ථාන තුළ ඇඳන් ඇතුළු මූලික අවශ්යතාවල හිගයක් පවතින බව ද වාර්තා වේ.
චීනයේ නිවෙස් තුළ නිරෝධායනයට ලක් කෙරෙන පුද්ගලයින් ආහාර හා ඖෂධ හිගයෙන් පිඩා විඳින බව ද විදෙස් මාධ්ය වාර්තා කරයි.