ඇදහැලෙමින් ඇති ධාරානිපාත වර්ෂාව සහ ජල ගැලීම් හමුවේ පකිස්තානයේ බලෝකිස්තාන ප්රාන්තයේ මියගොස් ඇති පුද්ගලයින් ගණන 176 ක් දක්වා ඉහළ ගොස් ඇත.
ප්රාදේශීය ආපදා කළමනාකරණ අධිකාරිය පවසන්නේ මියගිය පිරිස අතරින් 77 දෙනෙකු පිරිමි පුද්ගලයින් බවයි.
කාන්තාවන් 44 දෙනෙකු හා ළමුන් 55 දෙනෙකු මියගිය පිරිස අතර වන බව ද ප්රාදේශීය ආපදා කළමනාකරණ අධිකාරිය පවසයි.
ජල ගැලීම් හා ආපදාවලින් තවත් පිරිමි පුද්ගලයින් 48 දෙනෙකු තුවාල ලබා තිබෙනවා.
තුවාලකරුවන් අතර කාන්තාවන් 11 දෙනෙකු හා ළමුන් 16 දෙනෙකු ද වන බව ද බලෝකිස්තානයේ ප්රාදේශීය ආපදා කළමනාකරණ අධිකාරිය තහවුරු කර තිබේ.
අධික වර්ෂාව හේතුවෙන් ප්රදේශ කිහිපයකින් නායයාම් ද වාර්තා වන අතර පස්කඳු කඩාවැටීම් හා ජල ගැලීම් හේතුවෙන් විනාශ වී ඇති නිවාස සංඛ්යාව 18,000 කට අධිකයි.
ජල ගැලීම් පවතින ප්රදේශවල සන්නිවේදන සේවා බිඳ වැටී ඇති අතර පානීය ජල මූලාශ්ර ද අවදානමට ලක්ව ඇති බව වාර්තා වෙයි.
ජල ගැලීම් හේතුවෙන් බලෝකිස්තානයේ වගා භූමි අක්කර දෙලක්ෂයකට අධික ප්රමාණයක් විනාශ වී ඇති අතර ගවයින් 23,000 කට අධික සංඛ්යාවක් මියගොස් ඇති බව ද පැවසේ.