බන්ධනාගාරගතව සිට නිදහස් වීමෙන් අනතුරුව තමා වෙනස් වේ දැයි ඇතැමුන් විමසන නමුත් තමා තමාම බවත් තමා කිසිවෙකුට බිය නොමැති බවත්, පක්ෂ මාරු කිරීමකට හෝ කඩේ යාමකට සූදානම් නොමැති බවත් හිටපු පාර්ලිමේන්තු මන්ත්‍රී රන්ජන් රාමනායක පවසනවා.
ඒ, අද (26) දින පැවති මාධ්‍ය හමුවක් අමතමින්.
කෙසේ නමුත්, අදහස් දැක්වීම සම්බන්ධව තමාට යම් වාරණයක් පනවා ඇති නිසා තමා ඒ සම්බන්ධව වැඩිදුරටත් අදහස් දැක්වීමෙන් වලකින බවයි ඔහු පවසන්නේ.
තමාට ලැබී ඇති අර්ධ නිදහස හෝ ලබාදීමට උපකාර කළ පිරිසට තමා ස්තූතිවන්ත වන බවත් සජිත් ප්‍රේමදාස සහ රනිල් වික්‍රමසිංහ අතර නැවත සබඳතාවක් ඇති කිරීමට හැකි නම් තමා ඒ කටයුත්ත සිදු කරන බවත් ඔහු වැඩිදුරටත් පවසනවා.
එමෙන්ම තමන්ට කිසියම් ගෝලීය තානාපති තනතුරක් භාරගන්නා ලෙසට අමාත්‍ය මනූෂ නානයක්කාරගෙන් ඇරයුමක් ලද බවත් තවමත් ඒ සම්බන්ධව තීරණයක් ගෙන නොමැති බවත් ඔහු පවසනවා.
කෙසේ නමුත්, අවසානයේදී තමා සිරගතව සිටියදී ආහාර රැගෙන ආ පිරිසට ස්තූතිවන්ත වෙමින් ” හිරකාරයෙක්ට කෑමපාර්සලයක් කියන්නෙ නිධානයක්” යැයි ඔහු පවසා සිටියා.
