රනිල් වික්‍රමසිංහගේ ආර්ථික ප්‍රතිපත්ති කාක් කූඩුවේ හදපු කොහා පැටියෙක් වැනි යැයි සමඟි ජන බලවේගයේ පාර්ලිමේන්තු මන්ත්‍රී හර්ෂ ද සිල්වා ඊයේ (31) දින පාර්ලිමේන්තුවේදී පවසා සිටියා.
ඔහු දැන් පොහොට්ටුවේ හිරකරුවෙක් බවත් ඔහුගේ ආර්ථික ප්‍රතිපත්තිය ක්‍රියාත්මක කිරීමට පොහොට්ටුව ඇතුළු රාජපක්ෂ කණ්ඩායම ඉඩ නොදෙන බවත් එහිදී ඔහු පවසා සිටියා.
මීට පිළිතුරු දෙමින් ජාතික ලැයිස්තු මන්ත්‍රිනී ඩයනා ගමගේ අද (01) දින පවසා සිටියේ සමගි ජන බලවේගයත් කර ඇත්තේත් කපුටු කූඩුවේ බිත්තර දැමීමක් බවයි.
හර්ෂ ද සිල්වා මන්ත්‍රීවරයා පාර්ලිමේන්තුවේ දී ඊයේ සිදු කළ කපුටු කූඩුවේ බිත්තර දැමූ කතාව ඇසුණු විට තමාට සිනහා පහළ වූ බවත් සමගි ජන බලවේගය කර ඇත්තේ තමාගේ කූඩුවට පැමිණ බිත්තර දැමීම බවත් ඇය පවසනවා. “ඉතින් කපුටු කූඩුවේ බිත්තර දමන්නට එපා යැයි කියමින් ඔබතුමාගේ නායකයාට පහර ගසන්නට එපා” යැයි ඩයනා ගමගේ වැඩිදුරටත් පවසනවා.
