කෝප් සහ කෝපා කමිටු වල සිටි බුද්ධිමතුන් පිරිස මෙවර ඉවත්කර ඇති බවත් තමාවත් ඉවත් කර ඇති බවටත් ශ්‍රී ලංකා පොදුජන පෙරමුණේ කුරුණෑගල දිස්ත්‍රික් මන්ත්‍රී දයාසිරි ජයසේකර පවසනවා.
ඒ අද (04) දින පාර්ලිමේන්තුවේදී අදහස් දක්වමින්.
ඒ වෙනුවට මේ වන විට පත්කර ඇති අය අය ගැන වෙනම කතා කිරීමට බලාපොරොත්තු නොවන බවත් කථානායකවරයා මීට සාධාරණයක් ඉටුකර දෙතැයි බලාපොරොත්තු වන බවත් දයාසිරි ජයසේකර පවසා සිටියා.
එහිදී වැඩිදුරටත් අදහස් දැක්වූ දයාසිරි ජයසේකර,
“සුසිල් ප්‍රේමජයන්ත් මහතා ඉන්න තැනම තමයි මගේ නම කෝප් කමිටුවට දැම්මේ. ඒත් අද මගේ නම ඉවත් කරලා තියෙනවා. ඒ විතරක් නෙවෙයි කෝපා කමිටුවේ පසුගිය කාලයේ හිටියා විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය. එතුමියව කපලා තියනවා.
මහාචාර්ය තිස්ස විතාරණ මහතා ඉවත් කරලා තිබෙනවා. ආචාර්ය රත්නසේකර මහතාවත් ඉවත් කරලා තිබෙනවා. මාව ඉවත් කරලා තිබෙනවා. අපේ යම් පිරිසක් කෝප්, කෝපා, මුදල් කාරක සභා වලට දාන්න”
