රජයේ වෛද්‍ය නිලධාරීන්ගේ සංගමයේ සභාපති අනුරුද්ධ පාදෙණිය නිරෝධායනයට යොමුනොවී සැඟවී සිටින බව ප්‍රචාරය කළ මාධ්‍ය ආයතනයට එරෙහිව නීතිමය ක්‍රියාමාර්ග ගන්නා බව එම සංගමය නිවේදනයක් කරමින් පවසා ඇත.
වෛද්‍ය අනුරුද්ධ පාදෙණියගේ නිවසේ පැවති සාදයකට සහභාගි වූ වෛද්‍යවරයෙකු කොවිඩ් ආසාදිතයෙක් බව හදුනාගත් පසු සෞඛ්‍ය වෛද්‍ය නිලධාරීගේ උපදෙස් අනුව පාදෙණිය මහතා නිරෝධායනයට යොමු කිරීමට සොයද්දී ඔහු නිවසේ නැති බව මාධ්‍ය වාර්තා කර තිබුණි. එවැනි ප්‍රවෘත්තියක් පළ කිරීම සහ ආසාදිතයන්ගේ ආශ්‍රිතයන් නිරාවරණය කිරීම තම සභාපතිවරයාට සිදු කළ අපහාසයක් බව රජයේ වෛද්‍ය නිලධාරීන්ගේ සංගමය පවසා ඇත.
තම සංගමය මත්ද්‍රව්‍යවලට එරෙහිව කටයුතු කරන නිසා මෙම ප්‍රවෘත්තිය පළකර ඇත්තේ මත්ද්‍රව්‍ය ජාවාරමට සම්බන්ධ මාධ්‍ය ආයතනයක් බවත් ඔවුන් නිවේදනයේ සදහන් කර ඇත.
