ඇෆ්ගනිස්ථානයේ ට්‍රක් රථ රියදුරන් අධිවේගී මාර්ගවල සන්නද්ධ මංකොල්ලකෑම් වැඩි වීම ගැන කනස්සල්ල පළ කර තිබේ.
තුවක්කු පෙන්වා කොල්ලකරුවන් ඔවුන්ගේ මුදල් සහ වටිනා දේ අහිමි කර ඇති බව පජ්වොක් ප්‍රවෘත්ති ඒජන්සිය වාර්තා කර ඇත. .
අපරාධ ඉහළ ගියද, ආරක්ෂක නිලධාරීන් සොරකම්වලට ගොදුරු වූ රියදුරන් කරන ප්‍රකාශ ප්‍රතික්ෂේප කරන බවත් අධිවේගී මාර්ගවල ආරක්ෂාව සහතික කිරීමට පියවර ගෙන ඇති බව සදහන් කරන බවත් එරට වාර්තා පවසයි.
ගාර්ඩෙස්-පටාන් අධිවේගී මාර්ගයේ ට්‍රක් රථ රියදුරෙකු වන මොහොමඩ් ඛාන් පැවසූයේ මහාමාර්ගවල සොරුන් විසින් තමාව කිහිප වතාවක්ම නතර කර ඇති බවයි.
ඔහු ඇතුළු රියැදුරන් කිහිප වතාවක්ම මංකොල්ලකරුවන් විසින් කොල්ලකා ඇති බවත් ඔවුන් මුදල්, ජංගම දුරකථන සහ වෙනත් දේවල් ගන්නා බවත් ඔවුන්ව නැවැත්වීමට කිසිදු ආරක්ෂක අංශයක් නොමැති බවත් ඔහු පවසා ඇත.
මේ අතර පසුගිය වසරේ අගෝස්තු මාසයේදී තලේබාන් සංවිධානය බලය අල්ලා ගැනීමෙන් පසු රට තුළ මංකොල්ලකෑම් වැඩි වී තිබෙන බව එරට මාධ්‍ය වාර්තාවල දැක්වේ.
