ජ්යේෂ්ඨ පොලිස් අධිකාරිවරයෙකු ලෙස ව්යාජව පෙනී සිටි වාරියපොළ, මිනුවන්ගැටේ ප්රදේශයේ පදිංචි පුද්ගලයෙකු ලග්ගල පොලීසිය විසින් අත්අඩංගුවට ගෙන තිබෙනවා.
ඒ, ජනප්රිය නිළි මංජුලා කුමාරි සහ ලග්ගල ප්රදේශයේ කාන්තාවක් හවුලේ පවත්වාගෙන ගිය පතලකින් හමු වූ නිල් මැණිකක් සැකකරු විසින් වංචනික ලෙස රැගෙන යාමට උත්සහ කිරීමේ චෝදනාවක් හේතුවෙන්.
පසුගිය 22 වැනිදා සැකකරු අත්අඩංගුවට ගත් අවස්ථාවේ දී වංචා කළ බව කියන නිල් මැණික සහ සුඛෝපභෝගී මෝටර් රථයක් පොලීසිය විසින් සිය භාරයට ගෙන තිබුණා.
පොලිස් පරීක්ෂණවල දී අනාවරණය වී ඇත්තේ ඔහු ටෙලිනාට්ය කිහිපයකට සහය නළුවෙකු ලෙස රංගනයෙන් දායක වූ අයෙක් බවයි.
ජනප්රිය නිළි මංජුලා කුමාරි පතල් කැණීමට ලග්ගල ප්රදේශයේ කාන්තාවක් සමග ගිවිසුම් අත්සන් කර තිබෙනවා.
පසුව වවුනියාව භාර ජ්යේෂ්ඨ පොලිස් අධිකාරිවරයෙකු ලෙස ව්යාජව පෙනී සිටිමින් මෙම සැකකරු මංජුලා කුමාරිගේ නියෝජිතයා ලෙස මාස ගණනාවක් පුරාවට මෙම සැකකරු පතල බලාගැනීමට පැමිණ තිබෙනවා.
කෙසේවෙතත් පතල පවත්වාගෙන ගිය අනෙක් කාන්තාව පොලිසියට පවසා ඇත්තේ, සැකකරු වංචනික ලෙස නිල් මැණික රැගෙන යාමට උත්සහ කළ බවයි.
සැකකරු අත්අඩංගුවට ගෙන ප්රශ්න කිරීමේදී හෙළි වී ඇත්තේ ටෙලි නාට්ය නිළියගේ සැමියා සමඟ ඇති හිතවත්කම් මත මෙම පතල බලාගැනීම සඳහා ඔහුට පවරා ඇති බවයි.
මෙම පුද්ගලයා ප්රසිද්ධ ටෙලිනාට්ය රංගන ශිල්පිනියක වන මංජුලා කුමාරි මහත්මිය සමඟ ටෙලිනාට්ය කිහිපයකම පොලිස් නිලධාරියකුගේ චරිත රඟපා තිබෙන බවද වාර්තා වනවා.
අත්අඩංගුවට ගත් සැකකරු ඊයේ (23) දිනයේ දී නාඋල මහේස්ත්රාත් අධිකරණයට ඉදිරිපත් නිරීමෙන් පසුව රක්ෂිත බන්ධනාගාර කර තිබෙනවා.