රුහුණු ජාතික අධ්‍යාපන විද්‍යා පිඨයේ සිසුන් දෙපිරිසක් අතර ගැටුමකින් 11 දෙනෙක් තුවාල ලබා තිබෙනවා.
අද (26) පෙරවරුවේ පිඨයේ දෙවන වසර සහ අවසන් වසරේ සිසුන් දෙපිරිසක් අතර අධ්‍යයන කටයුත්තක් සම්බන්ධයෙන් ආරවුලක් හටගෙන ඇති බවයි වාර්තා වන්නේ.
මෙම ආරවුල ගැටුමක් දක්වා වර්ධනය වී එකිනෙකාට පහරදී ඇති බවයි පොලීසිය කියා සිටියේ.
පොලීසිය සඳහන් කළේ සිද්ධියට සිසුන් 40 දෙනෙක් පමණ සම්බන්ධ වී ඇති බවට මුලික පරීක්ෂණවලදී අනාවරණය වී ඇති බවයි.
