Youtube සමාජ ජාලයේ එකේ දර්ශන නරඹමින් හමුදා ස්නයිපර් තුවක්කුකරුවන් භාවිතා කරන ගිනි අවියකට සමාන අඩි හතරකට ආසන්න දිගකින් යුත් ගිනි අවියක් නිපදවන ලද පුද්ගලයකු අද (30) වාද්දුව පොලිසිය අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ වාද්දුව , තල්පිටිය ප්රදේශයේ පදිංචි තරුණයක්.
සැකකරු කලක් මත්කුඩු පානයට ඇබ්බැහිව සිට පුනරුත්ථාපනය වී පැමිණ සිටීන පුද්ගලයකු බවයි පොලීසිය සදහන් කරන්නේ.
පොලීසිය පවසන්නේ ඉවතලන ප්ලාස්ටික් කොටස්, සුදුයකඩ කොටස්, ස්ප්රීන් , යකඩ සහ ඇලුමිනියම් බට ගිනි අවිය නිපදවීම සදහා උපයෝගී කරගෙන ඇති බවත් ප්ලාස්ටික් සහ වීදුරු කාච යොදා දුර දක්නයක්ද සවිකර තිබූ බවයි.
ගිනි අවිය සදහා කුඩා යකඩ බෝල උපයෝගී කරගෙන බළලුන්,සුනකයින් සහ ඉගිලෙන කුරුල්ලන්ට වෙඩිතබා ඇති බවත්, වෙඩි ප්රහාර වලට ලක්වූ සතුන් එම ස්ථාන වලම ඇදවැටී මරණයට පත්ව ඇති බවත් සැකකරු පවසා තිබෙනවා.