පළාත් පාලන මැතිවරණය අදාළව ඡන්ද පත්‍රිකා දිස්ත්‍රික් මට්ටමින් මුද්‍රණය සඳහා භාර දීමේ කටයුතු ආරම්භ කර තිබෙනවා.
මැතිවරණ කොමිසම සඳහන් කළේ මේ වන විට සිය පාර්ශවයෙන් මැතිවරණය පැවැත්වීම සඳහා අවශ්‍ය සියලු පියවර මේ වන විට ගනිමින් සිටින බවයි.
මේ අතර මැතිවරණ කොමිසම මඟින් පළාත් පාලන ආයතන ඡන්ද විමසීමට අදාළ නාම යෝජනා පත්‍ර සකස් කර ඡන්ද මුද්‍රණයට යොමු කිරීමෙන් අනතුරුව එම ඡන්ද පත්‍රිකා මුද්‍රණයට සුදානම් බව රජයේ මුද්‍රණාලය පවසනවා.
රජයේ මුද්‍රණාලයාධිපති ගංගානි ලියනගේ මහත්මිය කියා සිටියේ ඡන්ද පත්‍රිකා මුද්‍රණයට අවශ්‍ය කඩදාසි තොග සිය ආයතනය සතුව පවතින බවයි.
පළාත් පාලන මැතිවරණය සඳහා අවශ්‍ය අනෙකුත් ලියකියවිලි මුද්‍රණ කටයුතු දැනටමත් රජයේ මුද්‍රණාලය මඟින් සිදු කෙරෙන බවයි ඒ මහත්මිය වැඩිදුරටත් සඳහන් කළේ.
පළාත් පාලන මැතිවරණය මාර්තු මස 09 වනදා පැවැත්වීමට තීරණය කර තිබෙනවා.
