නවසීලන්තය සමග පැවැත්වෙන පළමු ටෙස්ට් තරගයේ පළමු ඉනිම වෙනුවෙන් ශ්‍රී ලංකා කණ්ඩායම සියලු දෙනා දැවී ලකුණු 355ක් ලබා ගත්තා.
දෙවැනි දිනට තරගය ආරම්භ කරන විට ශ්‍රී ලංකාව කඩුලු 6ක් දැවී ලකුණු 305ක් රැස් කරගෙන සිටියා.
ඒ අනුව අවසන් කඩුලු 4 දෙවැනි දිනයේ දිවා විවේකයට පෙර ලකුණු50ක් තුල දවා ගැනීමට නවසීලන්ත පන්දු යවන්නන් සමත් වුණා.
ශ්‍රී ලංකාව වෙනුවෙන් කුසල් මෙන්ඩිස් ලකුණු 87ක් ලබා ගත්තා.
දිමුත් කරුණාරත්න ලකුණු 50යි.
ඇන්ජලෝ මැතිව්ස් ලකුණු 47කට සහ ධනංජය ද සිල්වා ලකුණු 46කට දැවී ගියා.
පන්දු යැවීමේ දී ටිම් සවුති ලකුණු 64කට කඩුලු 5ක් දවා ගත්තා.
සවුති ටෙස්ට් ඉනිමක කඩුලු 5ක් දවාගත් 15 වැනි අවස්ථාවයි.
ඔහුට අනගි සහයක් ලබා දුන් මැට් හෙන්රි කඩුලු 4ක් දවා ගැනීමට සමත් වුණා.
