සංවිධානාත්මක අපරාධ කල්ලි නායක ලසන්ත චන්දන පෙරේරා නොහොත් අංගොඩ ලොක්කාගේ මරණය සම්බන්ධව අපරාධ පරීක්ෂණ දෙපාර්තමේන්තුව මේ දක්වා සිදුකර ඇති විමර්ශන කටයුතු අවසන් කර තිබෙනවා.
2020 වසරේ ඉන්දියාවේ තමිල්නාඩුවේ කොයිම්බතූර්හිදී ජීවිතක්ෂයට පත් වූ අංගොඩ ලෝකකාගේ මරණය හෘදයාබාධයකින් සිදුවුවක් බවයි අධිකරණයට ඉදිරිපත් කළ වෛද්ය වාර්තා මඟින් තහවුරු වී ඇත්තේ.
2020 වසරේ දී අංගොඩ ලොක්කාගේ මරණය සම්බන්ධයෙන් සිදුවූ ඇතැම් සිද්ධීන් සම්බන්ධයෙන් වන විමර්ශන මේ වන විට බැහැර කර ඇති බවයි වාර්තා වන්නේ.
කොයිම්බතූර්හි චෙරන්මා නගර් හි පිහිටි බාලාජිහි කුලී නිවසක දි අංගොඩ ලොක්කාට ඇති වූ හදිසි හෘදයාබාධයක් හේතුවෙන් 2020 ජූලි 03 වැනි දින රාත්රියේ දී මරණයට පත් වූ බවයි අපරාධ පරීක්ෂණ දෙපාර්තමේන්තුවේ සොයා ගැනීම්වලට අනුව සඳහන් වී ඇත්තේ.
කෙසේ නමුත් අංගොඩ ලොක්කා සමඟ ජීවත් වූ සහ ඔහු මියයන විටදීත් එහි සිටි ශ්රී ලාංකික කාන්තාවක් ඇතුළු ඉන්දීය ජාතික 7 දෙනෙක්ට එරෙහිව පැවැත්වෙන නඩු තවදුරටත් පැවැත්වෙනවා.