ඩොලර් බිලියන ගණනක් විශුද්ධිකරණය කළ චීන රහස්‍ය බැංකුවක් සම්බන්ධයෙන් ඉතාලි ආරක්ෂක අංශ විමර්ශන ආරම්භ කර තිබේ.
ඉතාලි විමර්ශකයින් එය හඳුන්වා ඇත්තේ “චීන භූගත බැංකුව” ලෙස වන අතර, ඒ සම්බන්ධයෙන් යුරෝපෝල් පද්ධතියට ද තොරතුරු ලබාදී ඇත.
ඉතාලියේ, රෝමය, ෆ්ලෝරන්ස්, පාදුවා, ප්‍රාටෝ, නේපල්ස් සහ රෙජියෝ කැලබ්‍රියා යන නගරවල ශාඛා ඇති රහස් බැංකුවක් ‘පාරිභෝගිකයින් සඳහා විශේෂ සේවා’ ලබා දීමෙන් චීනයට බිලියන ගණනක් ගෙන යන බව ලා රිපබ්ලික් පුවත්පත පළමුවරට අනාවරණය කරනු ලැබීය.
විමර්ශකයින්ට අනුව චීන රහස් බැංකුව කිසිදු හෝඩුවාවක් ඉතිරි නොකර ඩොලර් බිලියන ගණනක් විශුද්ධිකරණය කිරීමට සමත්ව ඇත.
මෙම රහස් බැංකුව සියයට 100ක මුදල් හුවමාරුවක් සහතික කරමින් විදේශ ගෙවීම් සේවා ද සපයනු ලබයි.
ඉතාලි විමර්ශකයින් ඇස්තමේන්තු කරන්නේ මෙම “ආයතනය” චීනයේ බැංකු වල ජංගම ගිණුම් වලට මුදල් ලබා දීමෙන් වසරකට යුරෝ බිලියන 1 සිට 2 දක්වා රටින් පිටකර තිබේ.
