පුත්තලම දිස්ත්රික් පාර්ලිමේත්තු මන්ත්රී අලි සබ්රි රහීම් මහතා විසින් කාදි අධිකරණයට පත්කළ කාති අධිකරණ විනිසුරු වෛද්ය මොහොමඩ් රහමතුල්ලා මහතාටපහර දී තිබෙනවා.
පාර්ලිමේත්තු මන්ත්රී අලි සබ්රි රහීම් මහතා ඊයේ (26 වෙනි දින) ඉරිදා රාත්රියේ කාදි අධිකරණයට පත්කළ පුත්තලම කාති අධිකරණ විනිසුරු වෛද්ය මොහොමඩ් රහමතුල්ලා මහතාට තම නිවසට පැමිණෙන ලෙස දන්වා මෙම පහරදීම සිදුකර තිබෙන්නේ.
රහමතුල්ලා මොහොමඩ් මහතා මන්ත්රීවරයාගේ නිවසට ඇතුළු වූ පසු මන්ත්රීවරයා සහ ඔහුගේ බෑණා තමාට අධිකරණ විනිසුරු ලෙස මින් ඉදිරියට කටයුතු නොකර රැකියාවෙන් ඉවත් වන ලෙස බලකරමින් පහර දුන් බවට ඔහු පොලිසිය හමුවේ ප්රකාශ කර තිබෙනවා.
මන්ත්රීවරයා සහ ඔහුගේ බෑණා තමාගේ හිස ප්රදේශයට පහර කීපයක් එල්ල කළ බවත් එම පහර දීමෙන් තමා බලවත් ලෙස කම්පනයට පත් වූ බවත් රහමතුල්ලා මොහොමඩ් මහතා පවසන අතර රහමතුල්ලා මොහොමඩ් මහතා කාති පුත්තලම අධිකරණයට නව පත් විමක් ලබා වැඩ බාරගෙන තිබෙන්නේ පසුගිය මාර්තු 15 දිනයි.