රිතිකා පොගාට් සියදිවි නසාගත්බවට වන ආරංචිය ඉන්දියානු මල්ලවපොර රසිකයන් දැඩි කම්පනයකට පත්කරවීමට සමත් විය.
සුප්‍රසිද්ධ මළල ක්‍රීඩිකා යුවලක් වන ගීතා පොගාට් හා බබීතා පොගාට්ගේ ඥාති සොහොයුරියක් වන රිතිකා පොගාට් ඊයේ (17) සිවිලිම් විදුලි පංකාවක එල්ලී සියදිවි නසාගෙන ඇත.
Dangal චිත්‍රපටයටද පාදක වූ සුප්‍රසිද්ධ පොගාට් පවුලේ ඥාති සොහොයුරිකය් වූ රිතිකා රාජ්‍ය මට්ටමේ කණිෂ්ඨ කාන්තා හා පිරිමි මල්ලවපොර තරඟාවලියට ක්‍රීඩා කරමින් සිටියාය.
මාර්තු 14 වන දින පැවති තරඟයෙන් රිතිකා ලකුණු 1 කින් පරාජයට පත් වූ අතර ඉන් දින 3 කට පසුව ඇය සියදිවි නසාගෙන ඇත.
රිතිකා පුහුණුව ලබා ඇත්තේ ද්‍රෝණචාර්යා සම්මානලාභී මහාවීර් සිං ෆෝගට් යටතේ වන අතර ඔහු තරගාවලියට පැමිණ සිටි බවද වාර්තා වෙයි.
රාජස්ථානයේ ජුන්ජුනු හි ජයිට්පූර් ගම්මානයේ පදිංචි රිතිකා, හර්යානාහි මහාවීර් ෆෝගට් ක්‍රීඩා ඇකඩමියේ වසර පහකට වැඩි කාලයක් මල්ලවපොර ඉගෙන ගනිමින් හා පුහුණුවීම්වල යෙදී සිටියාය.
