විමල් වීරවංශ මහතා විසින් ප්‍රවර්ධනය කිරීමට යෙදුන කුරුදු සිගරට්ටුව ශ්‍රී ලංකා වෛද්‍ය සංගමය (SLMA) සිය විරෝධය පලකරනවා.
නිවේදනයක් නිකුත් කරමින් එම සංගමය සදහන් කරන්නේ ඕනෑම දුම්පාන නිෂ්පාදනයක් මගින් පෙනහළුවලට හානි සිදුවන බවයි.
මෙම කුරුදු සිගරට්ටුව ආයුර්වේද දූම පානයක් ලෙස ප්‍රවර්ධනය කරමින් පසුගියදා කර්මාන්ත අමාත්‍ය විමල් වීරවංශ මහතාද සහභාගීවූ උත්සවයකදී එය මහජනතාවට හඳුන්වාදීමට කටයුතු කළා.
ශ්‍රී ලංකා වෛද්‍ය සංගමය සදහන් කරන්නේ ඖෂධ පැලෑටි හෝ වෙනත් කිසියම් ද්‍රව්‍යයකින් හෝ නිෂ්පාදනය කර ඇති දුම්පානයක් නිතිපතා භාවිතයට ගන්නා විට ශරීරයට හානි සිදුවන බවයි.
එවැනි දෑ ප්‍රවර්ධනය කිරීමට හෝ අලෙවිකරණයට සහය නොදෙන ලෙස එම සංගමය රජයෙන් ඉල්ලා සිටිනවා.
