යාපනය දිස්ත්‍රික්කයේ සීඝ්‍රයෙන් වැඩිවන කොවිඩ් 19 ව්‍යාප්තිය හේතුවෙන් හෙට (29) දින සිට සතියක කාලයක් යාපනය කලාපයේ සියලුම පාසල් සඳහා නිවාඩු ලබාදීමට තීරණය කොට ඇතැයි උතුරු පළාත් අධ්‍යාපන අමාත්‍යංශ ලේකම් එම්.ඉලංකෝවන් මහතා පවසනවා.
එම්.ඉලංකෝවන් මහතා පවසන්නේ යාපනය දිසාපති ඇතුලු කොවිඩ් 19 මර්ධන කමිටුව විසින් අධ්‍යාපන අමාත්‍යංශයෙන් කරන ලද ඉල්ලීමකට අනුව මෙම තීරණය ගෙන ඇති බවයි.
මේ වන විට යාපනය නගර මධ්‍ය සම්පූරණයෙන් වසා සංචරණ සීමා පැනවීම හා නගරයේ කොවිඩ් 19 ආසාදිතයින් සමීපව ඇසුරු කරන්නන් යාපනය දිස්ත්‍රික්කය පුරාවට තහවුරුවීමත් හේතුවෙන් පාසල් ළමුන්ගේ ආරක්ෂාව උදෙසා මෙලෙස යාපනය කලාපය තුළ පිහිටි සියලුම පාසල් වෙත නිවාඩු ලබා දීමට පියවර ගෙන තිබෙනවා.
