චීනය මැලේසියාවේ ලොකු අයියා හෙවත් බිග් බ්‍රදර් යයි කළ ප්‍රකාශයක් හේතුවෙන් මැලේසියානු විදේශ අමාත්‍ය හිසාමුදීන් හුසෙන් හට දැවැන්ත විරෝධයකට මුහුණපෑමට සිදුව ඇතැයි රොයිටර් පුවත් සේවය වාරතා කරයි.
මැලේසියානු විදේශ අමාත්‍යවරයා අදාළ ප්‍රකාශය සිදුකරනු ලැබුවේ සිය පළමු චීන නිල සංචාරය අතරතුර දෙරට නියෝජිතයන් අතර පැවති ඒකාබද්ධ මාධ්‍ය හමුවකට එක්වෙමිනි.
මේ හේතුවෙන් එම ප්‍රකාශය සිදුකළ අවස්ථාවේ සිටම සමාජ මාධ්‍ය ඔස්සේ දැඩි විරෝධයකට ලක්වීමට මැලේසියානු විදේශ අමාත්‍යවරයාට සිදුවිය.
මේ අතර අදාළ ප්‍රකාශය රාජ්‍යත්‍රාන්තික භාෂා භාවිතයන් ඉක්මවා යාමක් ලෙස සදහන් කර ඒ සම්බන්ධයෙන් සිය දැඩි විරෝධය පළ කර ඇති මැලේසියානු විපක්ෂ නායක අන්වර් ඉබ්‍රාහිම් එය ඉල්ලා අස්කර ගන්නැයි විදේශ අමාත්‍ය හිසාමුදීන් හුසේන් වෙත අවධාරණය කර තිබේ.
මැලේසියාවේ ප්‍රධානතම වෙළෙද පාර්ශ්වකරුවා චීනය වුවත් දෙරට අතර වෙළෙද සහ ආයෝජන සම්බන්ධයෙන් විවිධ අර්බුද පවතී.
