මහජන චීන ජනරජයේ රාජ්‍ය මන්ත්‍රී හා ආරක්ෂක අමාත්‍ය ජෙනරල් වෙයි ෆෙන්ග්හි මහතා නිල සංචාරයක් සඳහා චීන හමුදාවට අයත් විශේෂ ගුවන් යානයකින් ඊයේ (27) රාත්‍රියේ දිවයිනට පැමිණියා.
මෙරටට පැමිණී චීන ආරක්ෂක අමාත්‍ය ජෙනරල්, වෙයි ෆෙන්ග්හි මහතා ජනාධිපතිවරයා ඇතුළු මෙරට ඉහළ පෙළේ නිලධාරින් සමග ද්වීපාර්ශවීය සාකච්ඡා ඇතුළු වැඩසටහන් කිහිපයකට සහභාගි වීමට නියමිතයි.
චීන ආරක්ෂක අමාත්‍යවරයා ඇතුළු ධූත පිරිස අනිද්දා (29) දක්වා මෙරට රැඳි සිටිනු ඇති.
1972 වසරේ ජනවාරි මාසයේදී චීන මහජන පක්ෂයේ සාමාජිකත්වය ලබා ගත් ජෙනරල් වෙයි ෆෙන්ග්හි මහතා 2018 වසරේ මාර්තු 19 වැනිදා චීන ජාතික ආරක්ෂක අමාත්‍ය ධූරයට පත් වූවා.
