වාහන අමතර කොටස් ගෙන්වීමට සීමා පනවා නොමැති බව සමෘද්ධි සහ ව්යාපාර සංවර්ධන රාජ්ය අමාත්ය ෂෙහාන් සේමසිංහ මහතා පවසනවා.
ජාතික ලැයිස්තු මන්ත්රී මොහොමඩ් මුසම්මිල් මහතා මතු කළ ප්රශ්නයකට පිළිතුරු දෙමින් අද (09) දින පාර්ලිමේන්තුවේදී ඒ මහතා ප්රකාශ කර සිටියේ වාහන ආනයනය කිරීමට සීමා පනවා ඇතත් එම සීමාවක් අමතර කොටස් ආනයනය කෙරෙහි බලනොපාන බවයි.
එමන්ම, වාහන එකලස් කිරීමේ ව්යාපාර ශ්රී ලංකාවේ අරඹා ඇති බවත් එම ව්යාපාර සඳහා බදු සහන ලබාදීමට රජය කටයුතු කරමින් සිටින බවත් වාහන එකලස් කිරීම සඳහා නියෝජිතයන් කිහිපදෙනෙකු මේ දිනවල රජය සමග සාකච්ඡා කරගෙන යන බවත් රාජ්ය අමාත්යවරයා පවසනවා.
වාහන ආනයනය සඳහා පනවා ඇති තහනම ද දිගු කාලීනව පවතින්නක් නොවන බවයි ඔහු වැඩිදුරටත් පවසන්නේ.