යූරෝ කුසලාන පාපන්දු තරඟාවලියේ එංගලන්තය සහ ජර්මනිය අතර තරගය පාපන්දුවේ මහගෙදර (Home of Football) හෙවත් වෙම්බ්ලි ක්‍රීඩාංගණයේදී ඊයේ පැවැත්වුණා.
තරගයේ පළමු අර්ධයේදී කණ්ඩායම් දෙකටම ගෝල රැස්කිරීමට හැකි වුයේ නැහැ.
තරගයේ 75 වන මිනිත්තුවේදී Raheem Sterling ගෝලයක් වාර්තා කරමින් 1-0 ක් ලෙස එංගලන්තය පෙරමුණට රැගෙන ආවා.
Harry Kane තරගයේ 86 වන මිනිත්තුවේදී තවත් ගෝලයක් රැස් කරමින් තරගයේ පාලනය මුලුමනින්ම එංගලන්ත ග්‍රහණයට නතු කරගත්තා.
ඒ අනුව නියමිත කාලය නිමාවන විට 2-0 ක් ලෙස තරඟය ජයගත් එංගලන්තය අර්ධ අවසන් පූර්ව වටයට සුදුසුකම් ලබා ගත්තා.
වෙම්බ්ලි ක්‍රීඩාංගණයේ එංගලන්තය සහභාගී වූ 300 වන තරඟය මෙයයි.
මෙම ක්‍රීඩාංගණයේදී එංගලන්තය ජර්මනිය පරාජය කලේ 1996 ලෝක කුසලාන පාපන්දු අවසන් මහා තරඟයෙන් පසු පළමුවරට වීම ද ඊයේ තරඟයේ තවත් එක් සුවිශේෂී සිදුවීමක්.
එමෙන්ම ජර්මනිය ප්‍රධාන පෙලේ පාපන්දු තරගාවලියක 16 දෙනාගේ වටයෙන්ම ඉවත් වූ පළමු අවස්ථාවද මෙය වනවා.
යූරෝ කුසලාන පාපන්දු තරගාවලියේ 16 දෙනාගේ වටයේ අවසන් තරගය යුක්රේනය හා ස්වීඩනය අතර පැවැත්වුණා.
තරගයේ නියමිත කාලය නිමා වනවිට කණ්ඩායම් දෙකම ගෝල එක බැගින් ලබාගෙන තරගය සම තත්ත්වයේ පැවතියා. ඒ අනුව අතිරේක කාලය දක්වා තරගය පැවැත්වුණු අතර අවසන් මිනිත්තුවේදී යුක්රේන ක්‍රීඩක Artem Dovbyk ගෝලයක් වාර්තා කලේ ඓතිහාසික ජයග්‍රහණයක් තම කණ්ඩායමට සහතික කරමින්. ඒ අනුව 2-1 ලෙස ස්වීඩනය පරාජය කරමින් අර්ධ අවසන් පූර්ව වටයට පිවිසීමට යුක්රේනය සමත් වුණා.
යුක්රේනය ප්‍රධාන පාපන්දු තරගාවලියක අර්ධ අවසන් පූර්ව වටයට පිවිසි දෙවන අවස්ථාව මෙයයි. එමෙන්ම ස්වීඩනය යූරෝ කුසලාන ඉතිහාසයේ තමන් සහභාගී වූ පිළිමළුන් පිටුදැකීමේ තරග තුනම ( 1992 – ජර්මනිය හමුවේ සහ 2004 නෙදර්ලන්තය හමුවේ) පරාජය වී තිබෙනවා.
යූරෝ කුසලාන අර්ධ අවසන් පූර්ව වටය ලබන සෙනසුරාදා ආරම්භ වනවා. පළමු තරගය පැවැත්වෙන්නේ ස්පාඤ්ඤය සහ ස්විට්සර්ලන්තය අතරයි. දෙවන තරගය බෙල්ජියම හා ඉතාලිය අතර එදිනම පැවැත්වෙනවා.
