මෙරටට සහල් ආනයනය කිරීමේදී 2014 සහ 2015 වර්ෂවල ලංකා සතොස ආයතනයට රුපියල් බිලියන 6.5ක පාඩුවක් සිදුවී ඇති බව පොදු ව්යාපාර පිළිබඳ කාරක සභාව හෙවත් කෝප් කමිටුවේදී අනාවරණ වී තිබෙනවා.
මිනිස් පාරිභෝජනය සඳහා ආනයන කළ සහල් පාරිභෝජනයට නුසුදුසු බැවින් ඒවා සත්ත්ව ආහාර සඳහා අලෙවි කිරීම හරහා මෙම පාඩුව සිදුවී ඇති බව එම කාරක සභාවේදී වැඩිදුරටත් අනාවරණය වී තිබුණා.
කෙසේවෙතත් කෝප් කමිටු සාමාජික ශානික්යන් රාසමානික්කම් මහතා සඳහන් කළේ,
“ඒ දවස්වල ඔය සහල් ගේනකොට ඕකට සම්බන්ධවෙලා හිටියේ කවුද කියලා ලංකාවම දන්නවා. වැඩිපුර කාලයක් ගබඩාවල තියලා..ඊට පස්සේ මේක නරක් වුණා කියලා.. සත්ව ආහාරවලට කියලා විකුණලා.. ඒ විකුණපු එක පිටකොටුවට ගිහින්.. පිටකොටුවෙන් ඒ හාල්ටික ආයේ අරගෙන ආපහු වික්කා කඩේට.”