මැරතන් තරගයක තරග කරුවන් දිරිගැන්වීමට ගිය පාසල් සිසුවෙකුට එල්ල වූ පිහි පහරකින් බරපතළ තුවාල ලබා රෝහල්ගත කර සිටියදී මියගොස් ඇති බව වැල්ලම්පිටිය පොලීසිය පවසනවා.
මෙලෙස මියගොස් ඇත්තේ 15හැවරිදි වැල්ලම්පිටිය කොටුවිල තුන්වන අදියර ප්රදේශයේ පදිංචි පාසල් සිසුවකු බව වාර්තා වෙනවා.
තරගකරුවන් දිරිගැන්වීමේ යෙදී සිටියදී පිරිසක් සමඟ ඇති වූ බහින්බස් වීමක් දුරදිග යාමෙන් එම සිසුවාට පුද්ගලයින් හතර දෙනෙකු විසින් තියුණු ආයුධ ප්රහාරයක් එල්ල කර ඇති බව පොලිසිය පවසනවා.
සිසුවාට පහර දුන් සැකකරුවන් 4 දෙනෙකු අත්අඩංගුවට ගෙන අධිකරණයට ඉදිරිපත් කිරීමෙන් පසු රක්ෂිත බන්ධනාගාර ගත කර තිබෙන බව පොලිසිය වැඩිදුරටත් අනාවරණය කරනවා.
එලෙස රක්ෂිත බන්ධනාගාර ගත කළ සැකකරුවන් 4 දෙනාගෙන් දෙදෙනෙකු හට මීට පෙරද මිනීමැරුම් චෝදනා තිබෙන බව විමර්ශනවලදී හෙළිවී ඇති බව සඳහන්.