අද (01) උදෑසන ගාලු මුවදොර වෙරළට තවත් මෘත දේහයක් ගොඩගසා තිබෙනවා.
මෙය වයස අවුරුදු 40 ක පමණ පිරිමි පුද්ගලයෙකුගේ මළ සිරුරක් බවයි පැවසෙන්නේ.
අද අලුයම 119 පොලිස් හදිසි ඇමතුම් අංකයට මුහුදේ සිරුරක් පාවෙන බවට ලද තොරතුරක් මත කොටුව පොලිස් ස්ථානයේ පිරිසක් එම ස්ථානයට ගොස් තිබුණද අදාළ මළ සිරුර යළිත් නොපෙනී ගොස් තිබූ නමුත් අද උදෑසන අටට පමණ මෙම මළසිරුර ගාලු මුවදොර වෙරළට යළි ගොඩගසා ඇති බව පොලිස් මාධ්ය ප්රකාශක කාර්යාලය සඳහන් කරනවා.
ඒ අනුව, කොටුව පොලිසිය මෙම මළ සිරුර සම්බන්ධයෙන් වැඩිදුර විමර්ශන ආරම්භ කර ඇති බවයි එම කාර්යාලය පවසන්නේ.
මීට දින කිහිපයකට ඉහතදී ද තරුණයෙකුගේ මළසිරුරක් ගෝල්ෆේස් වෙරළ තීරය වෙත ගොඩගසා තිබුණා.