අල්කයිඩා නායක ආයිමාන් අල්සවාහිරී අමෙරිකානු ඩ්‍රෝන යානා ප්‍රහාරයකින් ඝාතනය කළ බව අමෙරිකානු ජනාධිපති ජෝ බයන්ඩ්න් පවසනවා.
පසුගිය ඉරිදා සිය හමුදා විසින් ඇෆ්ගනිස්ථානයේ කාබුල් අගනුවර ආරක්ෂිත නිවසක සිටියදී ඔහුව ඝාතනය කළ බවයි ඔහු පවසන්නේ.
මිය යන විට අල්කයිඩා නායකයා 71 හැවිරිදි වියේ පසු වුණා.
2011 වසරේ ඔසාමා බින් ලාඩන් මීට වසර 11කට පෙර ඝාතනය කිරීමෙන් පසු අල්කයිඩා සංවිධානය වෙනුවෙන් අන්තර්ජාතිකව පෙනී සිටි එකම නායකයා ලෙස සවාහිරී හැඳින්වේ.
මොහු ඔසාමා බින් ලාඩන් සමඟ එක්ව සැප්තැම්බර් 11 ප්‍රහාරය සැලසුම් කළ බවත් ඔහු ඇමරිකාවට වඩාත් ම අවශ්‍යව සිටි ත්‍රස්වාදියෙක් බවත් ජනාධිපති බයිඩන් පවසනවා.
