නීතිපති දෙපාර්තමේන්තුවේ අතිරේක සොලිසිටර් ජනරාල්වරයකුට හා රජයේ ජ්යෙෂ්ඨ නීතිඥවරියකට අපහාසාත්මක වන ආකාරයේ වීඩියෝ යූටියුබ් නාලිකාව ඔස්සේ උඩුගත කිරීම වළක්වමින් සමාජ මාධ්ය ක්රියාකාරිකයෙකු වන දර්ශන හදුන්ගොඩ මහතාට එරෙහිව කොළඹ දිසා අධිකරණය විසින් වාරණ නියෝග දෙකක් නිකුත් කළා.
අදාල අතිරේක සොලිසිටර් ජෙනරාල්වරයා ඇතුළු නීතිපති දෙපාර්තමේන්තුවේ නිලධාරීන් දෙදෙනෙකු විසින් ඉදිරිපත් කළ පැමිණිල්ලක් සලකා බැලීමෙන් අනතුරුව කොළඹ දිසා විනිසුරු පූර්ණිමා පරණගම මහත්මිය විසින් මෙම වාරණ නියෝග නිකුත් කළා.
අදාළ වාරණ නියෝගය ලබන 10 වන දක්වා බලපැවැත්වෙන බවත් අධිකරණය සඳහන් කළා.
මේ දිනවල දැඩි මතභේදයට තුඩු දී තිබෙන එස්ප්රස් පර්ල් වන්දි නඩුව සම්බන්ධයෙන් අසත්ය කරුණු “එස්.එල් දේශය ” නැමැති යූටියුබ් නාලිකාව ඔස්සේ ප්රචාරය කිරීමද මෙම වාරණ නියෝගය තුළින් තහනම් කර තිබෙනවා.
පැමිණිලිකරුවන් වෙනුවෙන් ජනාධිපති නීතිඥ කුවෙර ද සොයිසා මහතා අධිකරණය හමුවේ කරුණු දක්වමින් විත්තිකරු විසින් පසුගිය 20 වැනි දින අදාළ අසත්ය තොරතුරු සහිත වීඩියෝවක් යූටියුබ් නාලිකාවට උඩුගත කර ඇති බවයි .
ඒ තුළින් සිය සේවාදායකයින් ට වැඩි අපහාසයක් සහ අගතියක් සිදු වී ඇති බවත් ජනාධිපති නීතිඥවරයා සඳහන් කළා.
එසේ අසත්ය කරුණු ප්රචාරය කිරීම තුළින් පැමිණිලිකරුවන්ට සිදු වූ අපහාසය වෙනුවෙන් රුපියල් බිලියනයක හා රුපියල් මිලියන 500 බැගින් වන්දි අය කර දෙන ලෙස ඉල්ලා මෙම පැමිණිලි දෙක මගින් ඉදිරිපත් කර තිබෙනවා.