පෞද්ගලික සමාගමක අධ්යක්ෂ ධුරයක් දැරීම වළක්වමින් ගෝල්ඩන් කී සමුහ ව්යාපාරයේ හිටපු අධ්යක්ෂ ලලිත් කොතලාවල මහතාට අතුරු තහනම් නියෝගයක් කොළඹ වාණිජ මහාධිකරණය ඊයේ (23) නිකුත් කරනු ලැබුවා.
එස්. ඇන්ඩ්. එල්. ප්රොපටි ඩිවලොප්මන්ට් සමාගමේ කොටස් අනීතිකව හා වංචනිකව පවරා ගෙන ඇති බව සඳහන් කරමින් පැවරූ පෙත්සමක් සලකා බැලීමෙන් පසුව කොළඹ වාණිජ මහාධිකරණ විනිසුරු ප්රියන්ත ප්රනාන්දු මෙම අතුරු නියෝගය කර ඇති බවයි වාර්තා වන්නේ.
මෙම අතුරු නියෝගය නිකුත් කර ඇත්තේ සමාගමේ කොටස් වෙනත් පාර්ශවයකට පැවරීම වළක්වාලමිනි.
පෙත්සම්කරුගේ පාර්ශවය වෙනුවෙන් පෙනී සිටි ජනාධිපති ෆයිසර් මුස්තාෆා මහතා අධිකරණයට කරුණු දක්වමින් සඳහන් කළේ වගඋත්තරකාර ලලිත් කොතලාවල මහතා විසින් සමාගමට අයත් වටිනා ඉඩමක ඔප්පුවක් අනිතිකව සකස් සමාගමේ කොටස් පවරා ගෙන ඇති බවයි.