රට ගොඩනැගීමට තිබෙන බාධකය ලෙස තමන් වහන්සේ දකින විශාලතම බාධකය නම් ජනතාවට ලැබී ඇති නිදහස බව අස්ගිරි පාර්ශවයේ අනුනායක පූජ්‍ය වෙඩරුවේ උපාලි හිමියන් පවසනවා.
ඊයේ (19) මහනුවරදී මාධ්‍ය ඉදිරියේ අදහස් දක්වමින් උන්වහන්සේ සඳහන් කළේ ආඥාදායකත්වය පිළිබඳ බොහෝ දෙනෙක් විවේචන එල්ල කළ ද රටේ දියුණුව සඳහා ජනාධිපතිවරයාට ඇතැම් අවස්ථාවලදී දැඩි තීන්දු තීරණ ගැනීමට සිදුවන බවයි.
ඊට අදාල දර්ශන පහතින්,
මීට පෙර ගෝඨාභය රාජපක්ෂ මහතාගේ නිවසේ තිබූ දානමය පිංකමකට සහභාගී වූ වෙඩරුවේ උපාලි හිමියන් දේශනා කළේ ජනාධිපතිවරයා හිට්ලර් කෙනෙකු මෙන් කටයුතු කල යුතු බවයි.
ඒ සම්බන්දයෙන් උන්වහන්සේට දැඩි ලෙස විවේචන එල්ලවූවද දැඩි ආඥාදායක පාලකයෙකු කෙරෙහි විශ්වාසය තබාගෙන වෙඩරුවේ උපාලි හිමියන් දිගින් දිගටම මෙවැනි ප්‍රකාශ සිදුකරන ආකාරය දක්නට ලැබෙනවා.
