ඉදිරි යල කන්නයේදී යුද හමුදාව යොදවා කාබනික පොහොර යොදන ආකාරය ගැන ගොවීන්ට තේරුම් කර දෙන බව ජනාධිපති ගෝඨාභය රාජපක්ෂ මහතා පවසනවා.
ඒ, මොනරාගල සියඹලාණ්ඩුව ප්‍රදේශයේදී ගොවීන් පිරිසක් හමුවූ අවස්ථාවේදීයි.
එන්නත්කරණය සම්බන්ධයෙන් පමණක් නොව මේ වන විට සෑම දෙයක්ම තේරුම් කර දීමට සිටින්නේ හමුදාව බවයි ජනාධිපතිවරයා පවසන්නේ.
කෙසේ නමුත්, ඇතැම් වගාවන් සඳහා ගොවියන් භාවිතා කිරීමට පුරුදු වී ඇති යූරියා වැනි පොහොර ගෙනැවිත් දීමට තමාට හැකි බව පැවසූ රාජපක්ෂ මහතා සෑම දෙයකටම පෙර තමා ගැන විශ්වාසය තබා කටයුතු කරන්නැයි ඉල්ලීමක් කරන බවද සඳහන් කළා.
කෙසේ නමුත්, මෙය කාබනික පොහොර සඳහා ගොවීන් යොමු කිරීමට තමාට හමුදාව යොදාවා ගොවීන්ගේ බෙල්ලෙන් අල්ලා “කාබනික පොහොර පාවිච්චි කරපං” කිව හැකි බවට පසුගිය නොවැම්බර් මසදී ජනාධිපතිවරයා සිදුකළ ප්‍රකාශය යතාර්ථයක් වීමක් දැයි ඇතැමුන් කණස්සල්ල පලකර සිටිනවා.
