යාපනය නාගදීපය ප්රදේශයේ දී ප්රසව වේදනාවෙන් සිටි මවක් රෝහලට මුහුදු මාර්ගයෙන් රැගෙන යමින් සිටිය දී මගී යාත්රාවක් තුල දී බිළිඳෙකු ප්රසූත කර ඇති බවට වාර්තා වෙනවා.
පසුගිය 17 වනදා අදාළ ගැබිනි මව ප්රසව වේදනාව හේතුවෙන් නාගදීප මූලික රෝහලට ඇතුළත් වී තිබෙනවා.
අනතුරුව එහි වෛද්යවරුන් දැනුම් දී ඇත්තේ ගැබිනි මව යාපනය ශික්ෂණ රෝහලට රැගෙන යා යුතු බවයි.
නාගදීපය සිට යාපනය ශික්ෂණ රෝහලට යාමට නම් නාගදීපය ජැටියේ සිට මුහුදු මාර්ගයෙන් කූරිකඩ්ඩුවාන් ජැටිය දක්වා ගමන් යාපනය ශික්ෂණ රෝහලට යා යුතු වෙනවා.
එම අවස්ථාවේදී ගිලන් වූ පුද්ගලයින් ප්රවාහනය කරනු ලබන ගිලන් මුහුදු යාත්රාව නොමැති වූ හෙයින් නාගදීපය වන්දනා කිරීම සඳහා යාත්රා කරනු ලබන මගී යාත්රාවක් වෙතට අදාළ ගැබිනි මව ඇතුළත් කොට කූරිකඩ්ඩුවාන් ජැටිය වෙතට ගමන් කිරීමට පියවර ගෙන තිබෙනවා.
එහිදී ගැබිනි මාතාවට ප්රසව වේදනාව ඇතිව දරුවා ප්රසූත කිරීමට අවශ්ය බව පවසා තිබුණා.
එම අවස්ථාවේදී මගී යාත්රාවේ සිටි පිරිමි පුද්ගලයින් සියල්ල උඩුමහලට යවා කාන්තාවන් සියල්ල යාත්රාවේ යටි මහලේ සිට එම මවට දරුවා ප්රසූත කිරීමට සහය ලබාදීමෙන් පසුව ඇය දරුවා ප්රසූත කොට තිබෙනවා.
අනතුරුව බිළිඳා සමග මව කූරිකඩ්ඩුවාන ජැටිය වෙතට රැගෙන විත් ගිලන්රථයක් සමගින් යාපනය ශික්ෂණ රෝහලට රැගෙන යාමට පියවර ගෙන තිබුණා.
යාපනය රෝහල් ආරංචි මාර්ග සඳහන් කරන්නේ මේ වන විට වන විට අදාළ දරුවා සහ මව යහපත් සෞඛ්ය තත්වයේ පසුවන බවයි.