බලන්ගොඩ – කිවුලවෙල ප්රදේශයේ පැවති අවමඟුල් උත්සවයකට පැමිණි පුද්ගලයකුට කොවිඩ් 19 වෛරස ආසාදනය වී මිය යැමෙි සිද්ධියක් හේතුවෙන් බලන්ගොඩ රාස්සගල මාර්ගයේ කිවුලවෙල ප්රදේශයේ පවුල් 10 සාමාජිකයින් 40 දෙනෙකු ඊයේ (03) ස්වයං නිරෝධායනයට යොමු කල බව බලන්ගොඩ සෞඛ්ය වෛද්ය නිළධාරි කාර්යාල පවසනවා.
මෙලෙස මියගොස් ඇත්තේ රත්නපුර පළමු පටුමගේ, ගොළුවාවෙල ප්රදේශයේ පදිංචිව සිටි පුද්ගලයෙක්.
මොහු පසුගිය 29 වැනිදා බලන්ගොඩ රාස්සගල මාර්ගයේ කිවුලවෙල ප්රදේශයේ තිබු අවමඟුල් උත්සවයකට පැමිණ ආපසු රත්නපුර ප්රදේශයට ගොස් තිබුණා.
පසුව ඉකුත් 30 වැනිදා ඔහු නවාතැන් ගෙන සිටින නේවාසිකාගාරයේ තවත් පරිසක් සමග සාදයක්ද දමා ඇති අතර එහිදී ඔහු එහිදී ලිස්සා වැටිම හේතුවෙන් නහරක් පුපුරා රත්නපුර රෝහලට ඇතුළත් කර තිබුණා.
රත්නපුර ශික්ෂණ රෝහලේදී සිදු කල ක්ෂණික ප්රතිදේශ පරික්ෂණයේදී මෙම පුද්ගලයා හට කොවිඩ් 19 වෛරස ආසාදනය වි ඇති බවට තහවුරු වි ඇතැයි මහජන සෞඛ්ය පරික්ෂක නිළධාරීවරයා පවසනවා.
ඔහු වැඩිදුර ප්රතිකාර සදහා හෝමාගම රෝහල වෙත මාරු කර යැවිමෙන් පසු ජනවාරි 02 දා රාත්රියේ මියගොස් තිබෙනවා.