පසුගිය අඟහරුවාදා (26) අමෙරිකාවේ බැල්ටිමෝ ප්‍රදේශයේදී ශ්‍රී ලංකාව බලා එමින් තිබූ නෞකාවක් පාලමක ගැටී සිදුවූ අනතුර හේතුවෙන් අතුරුදන්ව සිටි දෙදෙනෙක්ගේ සිරුරු සහන කණ්ඩායම් විසින් සොයාගෙන තිබෙනවා.
එහෙත්, ගඟ තුළ තවත් සිරුරු 4ක් ඇති බවට සැලකෙන අතර ඒවා ඉවත් කිරීම අපහසු කාර්යක් බව සහන කණ්ඩායම් පවසනවා.
ඊට හේතුවී ඇත්තේ පාලමෙහි යකඩ සහ කොන්ක්‍රීට් ගං පතුලේ විසිරී තිබීම බවයි වාර්තා වන්නේ.
එබැවින් අතුරුදන්ව සිටින අනෙක් අයගේ සිරුරු සොයාගැනීම කල්ගත විය හැකි බව වාර්තා
නෞකාව පාලමෙහි ගැටීමත් සමගම එය ගඟට කඩා වැටුණු අතර ඒ අවස්ථාවේ පාලමේ නඩත්තු කටයුතු කරමින් සිටි සේවකයින් 8 දෙනෙක් ගඟට වැටී තිබුණා.
ඉන් දෙදෙනෙක් බේරාගෙන රෝහල් ගත කිරීමට සහන සේවකයින් කටයුතු කර තිබුණා.
අතුරුදන්ව සිටි 6 දෙනාගෙන් සිව් දෙනෙකුගේ තොරතුරු මේරිලන්ඩ් ප්‍රාන්ත බලධාරීන් විසින් හෙළිදරව් කර ඇති බවයි විදෙස් මධ්‍ය පෙන්වා දෙන්නේ.
මේ වන විට සිරුරු සොයාගෙන ඇත්තේ ඇලෙයැන්ද්‍රෝ හර්නැන්දස් ෆුයෙන්ටස් 35 හැවිරිදි මෙක්සිකෝ ජාතිකයෙක් සහ 26 හැවිදිරි ඩොර්ලියන් රෝනියල් වන ග්වතමාලා ජාතිකයෙක්.
මිගුවෙල් ලුනා (එල් සැල්වදෝරය) සහ මෙනොර් සුවාසෝ (හොන්ඩුරාස්) ලෙස හඳුනාගෙන ඇති අතර, ඔවුන් දෙදෙනා ද අතුරුදන් බවයි වාර්තා වන්නේ.
