අල්ලස් හෝ දූෂණ චෝදනා විමර්ශන කොමිෂන් සභාව සඳහා නව සාමාජිකයන් පත්කර ගැනීමට අයඳුම්පත්කැඳවීම ආරම්භ කර තිබෙනවා.
අදාළ අයඳුම්පත පාර්ලිමේන්තු වෙබ් අඩවියේ පළකර ඇති ආකෘතිය අනුව ලබන මස 06 වනදාට පෙර පුරවා ආණ්ඩුක්රම ව්යවස්ථා සභාවේ මහලේකම්, ශ්රී ලංකා පාර්ලිමේන්තුව ශ්රී ජයවර්ධනපුර කෝට්ටේ යන ලිපිනයට ලියාපදිංචි තැපැලෙන් යොමුකළ යුතුයි.
මෙහිදී නීතිය, අපරාධ විමර්ශණය කිරීම සහ නීතිය ක්රියාත්මක කිරීම, වෝහාරික විගණනය සහ ගිණුම්කරණය, ඉංජිනේරු විද්යාව, ජාත්යන්තර සම්බන්ධතා සහ රාජ්යතාන්ත්රික සේවා, මහජන කළමනාකරණය හෝ රාජ්ය පරිපාලනය පිළිබඳ අවම වසර විස්සක පළපුරුද්දක් සහිත තැනැත්තන්ට මේ සදහා අයදුම් කළ හැකි වෙනවා.
අල්ලස් හෝ දූෂණ චෝදනා විමර්ශන කොමිෂන් සභාවට නව සාමාජිකයන් පත් කිරීම දූෂණ විරෝධී පනතේ පවතින අඩුපාඩුවක් හේතුවෙන් මාස කිහිපයක් තිස්සේ ප්රමාදවු අතර ඒ අනුව නව සාමාජිකයන් පත්කර ගැනීමට ආණ්ඩුක්රම ව්යවස්ථා සභාව පසුගියදා තීරණය කළා.
පනතේ එම අඩුපාඩුව නිවැරදි කිරීම සඳහා පාර්ලිමේන්තුවට අද(17) සංශෝධනයක් ගෙන ඒමට නියමිතයි.