කටුනායන ගුවන් තොටුපළ පොලිසිය භාරයේ සිටිය දී පලා ගිය ඝාතන කිහිපයකට සම්බන්ධ රවිදු වර්ණරංග හෙවත් බූරු මූණා අවිස්සාවෙල්ල අධිකරණයට භාර වීමට පැම්ණෙන අතරතුර දී පොලිස් අත්අඩංගුවට ගෙන තිබෙනවා.
පසුගිය වසරේ හංවැල්ල – හරස් පාර ප්රදේශයේ දී ව්යාපාරිකයෙකුට වෙඩි තබා ඝාතනය කිරීමේ සිද්ධියේ වෙඩික්කරු වන මොහු ගාල්ල, බෝපේ – පෝද්දල ප්රදේශයේ පදිංචිකරුවෙක්.
ඉකුත් පෙබරවාරි 24 වැනි දා රහසිගත ව විදේශගත වීමට උත්සාහ කිරීමේ දී කටුනායක ගුවන්තොටුපළේ ආගමන විගමන නිලධාරීන් මොහුව අත්අඩංගුවට ගෙන ගුවන්තොටුපල පොලිසිය වෙත භාරදී තිබූ අතර සැකකරු ඉන් සූක්ෂම ලෙස හිමිවරුන් දෙදෙනෙකුගේ උපකාරය ඇතිව ඉන් පළාගොස් තිබෙනවා.
මේ අතර මොහුව කටුනායක ගුවන් තොටුපළ පොලිසියේ රදවා සිටිය දී මුදාගෙන රැගෙන ගිය අවුරුදු 38 හා 41 යන වයස්වල පසුවන භික්ෂූන් වහන්සේ දෙනම බස්නාහිර පළාත දකුණ අපරාධ කොට්ඨාශය මගින් ඉකුත් (27) උදෑසන අත්අඩංගුවට ගනු ලැබුවා.
බස්නාහිර පළාත් දකුණ දිසාව විසින් සිදුකළ කරුණු දැක්වීමෙන් අනතුරුව අවිස්සාවේල්ල මහාධිකරණය විසින් සැකකරුට අධිකරණය විසින් විදෙස් ගමන් තහනමක් ද පනවා තිබෙන බව සඳහන්.