චීනයේ සයිබර් ආරක්ෂණ පරිපාලන ඒකකයේ නියෝජ්‍ය ප්‍රධානියා වූ පෙන්ග් බෝ තනතුරුවලින් මෙන්ම චීන කොමියුනිස්ට් පක්ෂයෙන්ද නෙරපා හැර තිබේ.
චීන මාධ්‍ය වාර්තා කළේ රාජකාරිය නිසි ලෙස ඉටු නොකිරීම සහ අවංකව කටයුතු නොකිරීම යන චෝදනා මත ඔහු නෙරපා හැර ඇති බවයි.
මාස කිහිපයකට පෙර චීනය විවිධ පරිගණක පෝස්ට් මිලියන 2 ක් පමණ හානිදායක ඒවා ලෙස හදුනාගනු ලැබීය.
ඒවා හදුනාගැනීමට සහ ඉවත් කිරීමට පෙන්ග් බෝ නිසි ලෙස මැදිහත් වී නොමැති බවට චෝදනා එල්ල වී තිබේ.
මීට අමතරව පරිගණක සමාගම්වලින් විවිධ වාසි ලබාගෙන සිය රාජකාරිය නිසි ලෙස ඉටු නොකළ බවටද ඔහුට විරැද්ධව චෝදනා නැගී ඇත.
මෙම නිලධාරියාට ඉදිරියේදී මීට වඩා පුලුල්ල දඩුවම් පැමිණවෙනු ඇති බවට ද මාධ්‍ය වාර්තා කර තිබේ.
