එක්සත් ජාතීන්ගේ මානව හිමිකම් ප්‍රධානියා චීනයේ ෂින්ජියැන්ග් හි පුලුල්ව පැතිරී ඇති මානව හිමිකම් අපයෝජන චෝදනා විමර්ශනය කිරීම සඳහා කලාපයට පැමිණ මාස දෙකකට පසුව, තුර්කි නියෝජිත පිරිසක් ෂින්ජියැන්ග් වෙත සාදරයෙන් පිළිගන්නා බව චීනය පවසා තිබේ.
කාම්බෝජයේ පැවති අග්නිදිග ආසියානු ජාතීන්ගේ සංගමයේ රැස්වීමකට සමගාමීව, චීන විදේශ අමාත්‍ය වැන්ග් යි පසුගියදා සිය තුර්කි විදේශ අමාත්‍ය මෙව්ලට් කව්සොග්ලු හට පැවසා ඇත්තේ චීනය සැමවිටම ෂින්ජියැන්ග් සම්බන්ධ ගැටළු සම්බන්ධයෙන් විවෘත සහ විනිවිදභාවයෙන් කටයුතු කරන බවයි.
තායිවාන ප්‍රශ්නය සම්බන්ධයෙන් පමණක් නොව ෂින්ජියැන්ග් සම්බන්ධ ගැටළු සම්බන්ධයෙන් ද තුර්කිය එක් චීනයක් ප්‍රතිපත්තියට දැඩි ලෙස අනුගතය කටයුතු කරන බව චීනය නිකුත් කළ නිවේදනයක සදහන් වේ.
එක්සත් ජාතීන්ගේ මානව හිමිකම් පිළිබඳ මහ කොමසාරිස් මිචෙල් බැචලේ ෂින්ජියැන්ග් වෙත පැමිණීම ගැන තුර්කිය සතුටු වන බවත්, සැලසුම් කළ සංචාරයේදී බීජිං සමඟ සම්බන්ධතා පවත්වා ගැනීමට බලාපොරොත්තු වූ බවත් තුර්කි විදේශ අමාත්‍යවරයා පැවසීය.
