හිටපු ජනාධිපති ගෝඨාභය රාජපක්ෂ භාවිත කළ රේන්ජ් රෝවර් රථය නිරූපිකාවක් වන පියුමි හංසමාලි භාවිත කිරීම සම්බන්ධයෙන් පරීක්ෂණයක් පවත්වන ලෙස ඉල්ලමින් මගේ රට සංවිධානයේ සභාපති සංජය මහවත්ත අද (17) නීතිවිරෝධී වත්කම් විමර්ශන කොට්ඨාසයට පැමිණිල්ලක් ඉදිරිපත් කළා.
“මැතිවරණයක් අත ළඟ. දේශපාලඥයන් තමන් ඉතිරි කර ගත් කළු සල්ලි සියල්ල ඉදිරි මැතිවරණ ව්යාපාරවලට වියදම් කිරීමට සුදානම් වෙනවා. මුදල් විශුද්ධිකරණයේ යෙදෙන ජනතාවට එය හොඳ කාලයක් වී ඇති බවත් පැහැදිලියි. ඒ අනුව හිටපු ජනාධිපති ගෝඨාභය රාජපක්ෂ භාවිත කළ රේන්ජ් රෝවර් රථය (CBH 1949) පියුමි හංසමාලි ලබා ගත්තේ කොහොමද යන්න පිළිබඳව අපට යම් සැකයක් තිබෙනවා.රේන්ජ් රෝවර් වාහනය දුන්නේ හිටපු ජනාධිපතිවරයාටද නැතිනම් ගෝඨාභය පියුමිට දුන්නාද කියන ප්රශ්නය මතුවෙනවා.පියුමි හංසමාලි මේ වෙන කොට ජිවත්වෙන්නේ අධි සුඛෝපභෝගී මහල් නිවාසයක සහ සුඛෝපභෝගී විදියට ජිවත් වෙනවා.එතකොට අපිට සැකයක් එනවා දේශපාලනඥයන්ගේ කළු සල්ලි සුදු කිරිම සඳහා පියුමි පාවිච්චි වෙනවද කියලා.ඒ් නිසා තමයි අපි විශේෂ විමර්ෂණ ඒ්කකයට ආවේ නිති විරෝධි වත්කම් සම්බන්ධයෙන්.
ක්රිම් විකුණලා කෝටි දහයක් විතර වටිනා රේන්ජ් රෝවර රථයක් පියුමි හංසමාලි ලබා ගත්තේ කෙසේද යන්න විමසා සිටින සංජය මහවත්ත මහතා තමා මෙවනිම ක්රිම් විකුණන තව කිහිප දෙනෙකු දන්නා බවත් එදිනදා ජිවත් විමේ අපහසුතාවෙන් සිටින බවත් සදහන් කර සිටියා.
දේශපාලඥයන්ගේ කළු සල්ලි සුදු කරනවා කියන්නේ රටට කරන බරපතල වැරැද්දක් බවද පවසා සිටියා.
