කෘෂිකර්ම අමාත්ය මහින්දානන්ද අලුත්ගමගේ මහතාට කොවිඩ් 19 වෛරසය ආසාදනය වී ඇති බව අද (03) දින තහවුරු විය.
අද සිදු කරන ලද රැපිඩ් ඇන්ටිජන් පරික්ෂාවකදී ඔහු මෙලෙස ආසාදිතයෙක් ලෙස හඳුනාගෙන ඇති අතර හෙට දිනයේ PCR පරීක්ෂණය සිදු කිරීමට නියමිතව ඇති බවටයි වාර්තා වන්නේ.
මේ අතර, අමාත්යවරයා ඊයේ දින හිරු රූපවාහිනී නාලිකාවේ වැඩසටහනකට සහභාගී විය.
මීට සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා ද සහභාගී වූ අතර චමුදිත සමරවික්රම ඇතුළු නිවේදකයන් තිදෙනෙක්ද සහභාගීව සිටි අතර ඔවුන් කිසිවෙකු සෞඛ්ය රෙගුලාසි පිළිපදිමින් මුඛාවරණ පැළඳ සිටින අයුරු දැක ගැනීමට හැකිවූයේ නෑ.
අදාල මාධ්ය ආයතනය සෞඛ්ය රෙගුලාසි කඩකිරීම සම්බන්ධයෙන් වරින්වර සමාජ දෝෂදර්ශනයට ලක්ව ඇති අතර වගකිව යුතු මාධ්ය ආයතනයක් ලෙස ඔවුන් සමාජයට ආදර්ශමත් විය යුතු යැයි අපි සිතන අතර වැඩසටහනට සහභාගී වූ පළමුපෙළ ආශ්රිතයින් නිරෝධායනය වී සමාජ වගකීම ඉටු කරනු ඇතැයි අපේක්ෂා කරමු.