ලෝක සෙෘඛ්‍ය සංවිධානය මගින් කෝවිඩ් වෛරසයේ ප්‍රභවය සහ ව්‍යාප්තිය සම්බන්ධයෙන් නිකුත් කළ වාර්තාවට දෝෂාරෝපණයක් එල්ල වී තිබේ.
ඇමරිකානු ආරක්ෂක කවුන්සිලයේ හිටපු ජ්‍යෙෂ්ඨ අධ්‍යක්ෂ ඇන්තනි රැගයිරෝ සදහන් කර ඇත්තේ මෙම වාර්තාව මගින් අනවශ්‍ය ලෙස චීනයට කරුණාව දක්වා ඇති බවයි.
ඔහු මෙහිදී සදහන් කර ඇත්තේ වුවාන්හි පරීක්ෂණාගාරවල කටයුතු මෙහිදී නිසි පරිදි විමර්ශනයට ලක් කර නැති බවයි.
2019 ඔක්තෝබර් සිට දෙසැම්බර් කාලසීමාව දක්වා කොරෝනා ආසාදිතයන් 75000කට අධික පිරිසක් වුහාන් ප්‍රදේශයෙන් වාර්තා වී ඇතත් චීනය,විසින් තොරතුරු සපයා ඇත්තේ 92 කු සම්බන්ධයෙන් පමණක් බවද ඔහු මෙහිදී පෙන්වා දී තිබේ.
මේ හේතුවෙන් කොරෝනා වසංගතයේ ප්‍රභවය සොයා වඩා විධිමත් අන්තර්ජාතික පර්යේෂකණයක් අවශ්‍ය බවද මෙහිදී අවධාරණය කර ඇත.
