31 C
Colombo
Tuesday, November 29, 2022

කොවිඩ් ආසාදනය වී මිය ගිය දින 20 බිළිදාගේ දෙමාපියන්ගෙන් මූලික අයිතිවාසිකම් පෙත්සමක්

- Advertisement -

කොවිඩ් -19 වෛරසය ආසාදනය වීමෙන් මිය ගිය දින 20 ක් වයසැති බිළිඳෙකු ආදාහනය කිරීමේ සිද්ධිය පිළිබඳව විමර්ශනයක් පවත්වන ලෙස සෞඛ්‍ය බලධාරීන් වෙත නියෝගයක් නිකුත් කරන ලෙස ඉල්ලමින් එම බිළිඳාගේ මව සහ පියා ශ්‍රේෂ්ඨාධිකරණයට මූලික අයිතිවාසිකම් පෙත්සමක් ඉදිරිපත් කර ඇත.

තොටලඟ, ෆර්ගියුෂන් පාරේ පදිංචි එම බිළිඳාගේ පියා වන මොහොමඩ් ෆාරුක් මොහොමඩ් ෆාහීම් සහ මව පාතිමා ශෆ්නා අදාළ පෙත්සම ඉදිරිපත් කර ඇත.

එම පෙත්සමේ වග උත්තරකරුවන් ලෙස සෞඛ්‍ය අමාත්‍ය පවිත්‍රා වන්නිආරච්චි, රාජ්‍ය අමාත්‍ය සුදර්ශනී ප්‍රනාන්දුපුල්ලේ, සෞඛ්‍ය සේවා අධ්‍යක්ෂ ජනරාල්වරයා, රිජ්වේ ආර්යා ළමා රෝහලේ අධ්‍යක්ෂකවරයා, සෞඛ්‍ය අමාත්‍යාංශයේ ලේකම්වරයා, නීතිපතිවරයා ඇතුළු 7 දෙනෙකු නම් කර ඇත.

දින 20 ක් වයසැති සිය දරුවාට හදිසියේ උණ රෝගය වැළදීම නිසා දෙසැම්බර් 7 වන දින කොළඹ රිජ්වේ ආර්යා ළමා රෝහලට ඇතුළත් කළ බවත් එහිදී වෛද්‍යවරුන් විසින් දරුවාට ප්‍රතිකාර ලබාදුන් බවත් අනතුරුව කොවිඩ් ආසාදනය වී බිළිදා මියගිය බව රෝහල් බලධාරීන් තමන්ට දැනුම් දුන් බවත් තමන්ගේ අනුමැතියකින් තොරව තම දරුවා හදිසියේ ආදාහනය කිරීමට පියවරගත් බවත් පෙත්සමේ සදහන් කර ඇත.

කොවිඩ් හේතුවෙන් මරණයට පත්වූ පුද්ගලයින්ගේ මළසිරුරු ශීතාගාරවල රඳවා තිබීමට මේ වන විට කටයුතු කර ඇති නමුත් තම දරුවාගේ මෘතදේහය පමණක් හදිසියේ ආදාහනය කිරීම සැකසහිත ගැටලු සහගත තත්ත්වයක් බව පෙත්සම්කරුවන් පවසා ඇත.

තම මියගිය දරුවා නැවත PCR පරීක්ෂණයකට භාජනය කරන ලෙස තමන් ඉල්ලීමක් කළ බවත් රෝහල් බලධාරීන් එම ඉල්ලීමට එකඟ වු නමුත් දෙවන PCR පරීක්ෂණය සිදු නොකළ බවත් පෙත්සමේ සදහන් වී ඇත.

දරුවා රෝහල්ගත කළ අවස්ථාවේ සිට ආදාහනය කිරීම දක්වා කාලසීමාව තුළ ලබාදුන් සියලු ප්‍රතිකාර හා ඊට සම්බන්ධ සියලුම වෛද්‍ය වාර්තා කැඳවා විමර්ශනයක් සිදුකරන ලෙස ද ඔවුන් වැඩිදුරටත් ඉල්ලා තිබේ.

විධිමත් පරීක්ෂණයකින් තොරව තමන්ගේ අනුමැතිය නොමැතිව සිය දරුවා ආදාහනය කිරීම සිය ආගමික විශ්වාසයන්ට පටහැනි අතර මේ තුළින් සිය මූලික අයිතීන් උල්ලංඝනය වී ඇති බවට තීන්දුවක් ලබාදෙන ලෙස පෙත්සම්කරුවන් ශ්‍රේෂ්ඨාධිකරණයෙන් ඉල්ලා ඇත.

පියාගේ කතාව

RECENT ARTICLES - SINHALA

දේශබන්දුව අත්අඩංගුවට ගන්නා ලෙස ඉල්ලමින් අභියාචනාධිකරණයට පෙත්සමක්

0
පසුගිය මැයි 9 වනදා ගාලු මුවදොර "ගෝඨා ගෝ ගම" අරගලයට පහර දීමේ සිද්ධිය අදාළ නඩුවේ සැකකරුවෙකු වන බස්නාහිර පළාත භාර ජ්‍යෙෂ්ඨ නියෝජ්‍ය...

ඉලෝන් මස්ක් ළඟත් මහින්දගේ වශී බෝලයක්

ලොව ධනවත්ම පුද්ගලයා වන ඉලෝන් මස්ක් සිය නිල ට්විටර් ගිණුමේ තමන්ගේ නිදන කාමරයේ ඇඳ අභියස ඇති දෑ පිළිබදව ඡායාරූපයක් පලකර තිබෙනවා.

අදත් ගාලු මුවදොරෙන් පිරිමි මළ සිරුරක් හමුවෙයි

0
ගාලු මුවදොර පිටියේ කොඩි කණුව අසල තිබී පිරිමි මළ සිරුරක් හමුව තිබෙනවා. පොලීසිය කියා සිටියේ එම මියගොස් සිටින පුද්ගලයා...

RECENT ARTICLES - ENGLISH

Doctors’ retirement age: Cabinet issued notices to appear before the Court

0
The Court of Appeal today issued notices to the Cabinet to appear before the Court over the decision to set the compulsory...

Immigration Department instructed to provide documents related to MP Diana Gamage’s citizenship

0
The Court of Appeal instructed the Controller General of Immigration and Emigration to submit documents related to State Minister Diana Gamage's citizenship.

Relief for electricity bill of Sri Dalada Maligawa

0
A relief has been given to the massive Rs. 2.7 million electricity bill of Sri Dalada Maligawa. Earlier, Diyawadana...