අගමැති ෂාබාස් ෂරීෆ් යටතේ ඇති නව පකිස්තාන ආණ්ඩුව එහි කර්මාන්තවල අඩු කාර්ය සාධනය හේතුවෙන් පීඩාවට පත්වූ අරගලකාරී ආර්ථිකයක් උරුම කර ගෙන සිටියත් යුරෝපා සංගමය ඔවුන්ට අදාළ සිය සම්මුතීන්හි අනුකූලතාවයන් දැඩි කර ඇති බව වාර්තා වේ.
පකිස්තාන ආණ්ඩුව සිය අපනයන අංශය නංවාලීමට උත්සාහ කරන නමුත් GSP ප්ලස් ප්‍රතිලාභවලට සම්බන්ධ යුරෝපීය සංගමයේ විවිධ සම්මුතීන්ට අනුකූල නොවීම ඊට ප්‍රධාන බාධකයක්ව පවතින බව පැවසේ.
කම්කරු කොන්දේසි, මානව හිමිකම්, කාන්තා සහ ළමා අයිතිවාසිකම්, ආගමික නිදහස, පාලනය යනාදී එක්සත් ජාතීන්ගේ මූලික සම්මුතීන් 27 ක් ක්‍රියාත්මක කිරීමට යටත්ව වසර දහයක් (2014-23) සඳහා ලබා දී ඇති GSP ප්ලස් පහසුකම යටතේ යුරෝපා සංගමයට කරන අපනයනවලින් 66%කට වැඩි ප්‍රමාණයක් සඳහා පකිස්තානයට තීරුබදු රහිත ප්‍රවේශයක් ලබා දී තිබේ.
එම පහසුකම 2023 අවසානයේ කල් ඉකුත් වන බැවින්, යෝජනා ක්‍රමයේ සමාජ, කම්කරු, පාරිසරික සහ දේශගුණික මානයන් ශක්තිමත් කිරීම සඳහා නව සම්මුතීන් පහක් එකතු කිරීමට ද යුරෝපා සංගමය යෝජනා කර ඇත.
ඒ අනුව රටේ ශ්‍රම තත්ත්වය වැඩිදියුණු කිරීම සඳහා පාකිස්ථානය විසින් නීති සහ රෙගුලාසි කිහිපයක් හඳුන්වා දී ඇතත් ඒවා ලේඛනවලට පමණක් සීමා වී ඇති බවට චෝදනා නැගී තිබේ.
