මාතර මහේස්ත්රාත් අධිකරණයේ නඩු භාණ්ඩ ගබඩාවේ ඇති ගිනි අවි පන්නා අලෙවි කිරීමේ ජාවාරමක් හෙළිකර ගත් මාතර කොට්ඨාශ අපරාධ විමර්ශන කාර්යාංශය ඊට සම්බන්ධ මාතර මහේස්ත්රාත් අධිකරණයේ සේවයේ නිරත බහුකාර්ය සංවර්ධන නිලධාරීන් 03ක් ඇතුළු 05ක් අත්අඩංගුවට ගෙන තිබෙනවා.
අත්අඩංගුවට ගත් අය අතර උසාවියෙන් පැන්නූ ගිනි අවියක් මිලදී ගත් බෝට්ටු හිමි ව්යාපාරිකයෙක් සහ ඔහුට එම අවිය අලෙවි කිරීමට අතරමැදියෙක් ලෙස කටයුතු කළ අයෙක්ද සිටින බව පොලීසිය පවසනවා.
එම ගිනි අවිය රුපියල් 280,000ක මුදලකට අලෙවිකර තිබෙන අතර ව්යාපාරිකයා සතුව තිබී ඔහු මිලදී ගත් උසාවියෙන් පැන්නූ රිවෝල්වරයක්ද පොලීසිය විසින් සොයාගෙන තිබෙනවා.
මෙම ඡාවාරම හෙළිවි ඇත්තේ මාතර මහේස්ත්රාත් අධිකරණයේ රෙජිස්ටාර්වරයා විසින් පසුගිය ජූලි 02 වෙනිදා කළ පැමිණිල්ලකට අනුවයි.
එම පැමිණිල්ලෙහි සදහන්ව තිබී ඇත්තේ නඩු භාණ්ඩ ගබඩාවේ තිබුණු හෙරොයින් පාර්සල් 02ක් අස්ථානගතව ඇති බවයි.
දීර්ඝ ලෙස ඒ සම්බන්ධයෙන් කළ විමර්ශනයේදී මත්කුඩු පමණක් නොව, අධිකරණයේ නඩු භාන්ඩ ගබඩාවේ ඇති ගිනි අවි පවා මෙම පිරිස විසින් පන්නා ඇති බව හෙළිවී තිබෙන අතර ඒ අනුව ඔවුන්ව අත්අඩංගුවට ගෙන තිබෙනවා.