28 C
Colombo
Monday, May 23, 2022

සිරිල් ගාමිණි පියතුමන් හෙට CID යට ?

- Advertisement -

පාස්කු ඉරුදින ත්‍රස්ත ප්‍රහාරය පිළිබද ජාතික ප්‍රකාශයක කමිටුවේ සාමාජික ගරු. සිරිල් ගාමිණි පියතුමන් ප්‍රකාශයක් ලබාගැනීම සඳහා හෙට (28) අපරාධ පරීක්ෂණ දෙපාර්තමේන්තුවට කැදවා ඇති බව වාර්තාවනවා.

අපරාධ පරීක්ෂණ දෙපාර්තමේන්තුවේ අභ්‍යන්තර නිලධාරියෙකුගෙන් අප කළ විමසීමකදි ඔහු සඳහන් කළේ සිරිල් ගාමිණි පියතුමන් පාස්කු ඉරුදින ත්‍රස්ත ප්‍රහාරය සම්බන්ධයෙන් තමන්ට එරෙහිව සිදුකර ඇති සිදුකර ඇති ප්‍රකාශයක් පිළිබඳ රාජ්‍ය බුද්ධි සේවයේ අධ්‍යක්ෂ මේජර් ජනරාල් සුරේෂ් සලේ මහතා සිදුකළ පැමිණිල්ලට අදාළව ප්‍රකාශයක් ලබාගැනීම සඳහා මෙම කැඳවීම සිදුකර ඇති බවයි.

කෙසේ වෙතත් මේ සම්බන්ධයෙන් මෙතෙක් තමන්ව නිශ්චිත දැනුවත් කිරීමක් සිදු කර නැතැයි අප කළ විමසීමකදී ගරු සිරිල් ගාමිණි පියතුමා සඳහන් කළා.

මේ අතර පාස්කු ප්‍රහාර මාලාව සම්බන්ධයෙන් සිරිල් ගාමිණි පියතුමා ඇතුළු තවත් අය සිදුකර ඇති චෝදනා සම්බන්ධයෙන් රාජ්‍ය බුද්ධි සේවාවේ අධ්‍යක්ෂ මේජර් ජනරාල් සුරේෂ් සලේ මහතා විසින් සිදු කර ඇති පැමිණිල්ල සම්බන්ධයෙන් විමර්ශන ආරම්භ කර එහි ප්‍රගතිය අධිකරණයට දන්වන ලෙස කොළඹ ප්‍රධාන මහේස්ත්‍රාත් බුද්ධික සී රාගල මහතා අද (27) අපරාධ පරීක්ෂණ දෙපාර්තමේන්තුවට නියෝග කළා.

ඒ පාස්කු ප්‍රහාරය සම්බන්ධයෙන් විදෙස් ගත ශ්‍රී ලාංකිකයන් දැනුවත් කිරීම සඳහා අන්තර්ජාතික යුක්ති සංසදය විසින් පැවැත්වූ සංවාදයකදි ගරු. සිරිල් ගාමිණි පියතුමා ඇතුළු පිරිසක් කළ කරුණු දැක්වීමක් පිළිබඳ පරීක්‍ෂණයක් පවත්වන මෙන්
රාජ්‍ය බුද්ධි සේවාවේ අධ්‍යක්ෂ සුරේෂ් සලේ මහතා පසුගිය 25 වන දා කරන ලද පැමිණිල්ල සම්බන්ධයෙන් විමර්ශන ආරම්භ කරන බවට අපරාධ පරීක්ෂණ දෙපාර්තමේන්තුව අද කොළඹ ප්‍රධාන මහෙස්ත්‍රාත්වරයාට කළ කරුණු දැක්වීමට අදාළවයි.

පාස්කු ප්‍රහාරයට නායකත්ව ලබාදුන් ජාතික තව්හීද් ජමාත් නායක සහරාන් හෂීම් වෙත ශ්‍රී ලංකා බුද්ධි අංශ විසින් මුල්‍යමය හා වෙනත් අත්‍යාවශ්‍ය සහය ලබාදුන් බව පාස්කු ඉරුදින ප්‍රහාරය සම්බන්ධයෙන් Zoom තාක්ෂණය ඔස්සේ පසුගිය 23 වන දින පැවති සංවාද මණ්ඩපයකට සහභාගී වෙමින් පාස්කු ප්‍රහාරය පිළිබඳ ජාතික ප්‍රකාශන කමිටුවේ සාමාජික, සිරිල් ගාමිණි පියතුමන් විසින් කරන ලද ප්‍රකාශය සම්බන්ධයෙන් විමර්ශන සිදු කරන ලෙසට එම පැමිණිල්ලේ සදහන් වූ බව අපරාධ පරීක්ෂණ දෙපාර්තමේන්තුව අද අධිකරණයට දැනුම් දුන්නා.

සහරාන් හෂීම් හා ඔහුගේ අනුගාමිකයින් පෝෂණය කිරීමෙහිලා එකල බ්‍රිගේඩියර්වරයෙක් වු සලේ මහතා, ක්‍රියාකාරී වැඩ කොටසක් ඉටුකරන ලද බව පවසමින් සිරිල් ගාමිණී පියතුමා හා වෙනත් අය විසින් සිදුකර ඇති එම චෝදනා තමා අපකීර්තියට පත්කිරීමේ අරමුණින් නඟා ඇති බවත් ඒවා සම්පූර්ණයෙන් අසත්‍ය බව එම පැමිණිල්ලේ සඳහන්ව ඇතැයි අපරාධ පරීක්ෂණ දෙපාර්තමේන්තුව වැඩිදුරටත් අධිකරණයට දැනුම් දුන්නා.

පොදු ජනතාව නොමඟ යැවීම පමණක්ම නොව හිතාමතාම තමාගෙ කීර්ති නාමයට හානි සිදුකිරීමටත් එබදු අසත්‍ය චෝදනා බුද්ධි අංශයන් මෙන්ම ජාතික ආරක්ෂාව තහවුරු කිරීමෙහිලා සුවිශේෂි කාර්යභාරයක් ඉටුකරන බුද්ධි නිලධාරින් හට නැවත පිළිසකර කළ නොහැකි හානියක් බවත් එමගින් තමාගේ ජීවිතය මෙන්ම පවුලේ අයගේ ජීවිතය ද අනතුරේ හෙළීමක් ලෙස ද එම පැමිණිල්ලේ කරුණු සඳහන් කර ඇතැයි අපරාධ පරීක්ෂණ දෙපාර්තමේන්තුව අධිකරණය හමුවේ වැඩිදුරටත් කියා සිටියා.

තමන් කිසිදු තත්ත්වයක් යටතේ කිසිදිනක සහරාන් හෂීම් හෝ ඔහුගේ අනුගාමිකයින් සමඟ කිසියම් හෝ ආකාරයක සන්නිවේදනයක් සිදුකර නොමැති බවත් ඒ අනුව මෙම ප්‍රකාශ සම්බන්ධයෙන් නීතිමය පියවර ගන්නා ලෙසත් පැමිණිලිකාර රාජ්‍ය බුද්ධි සේවාවේ අධ්‍යක්ෂ සුරේෂ් සලේ මහතා විසින් පැමිණිල්ලේ සටහන් කර ඇති බව අපරාධ පරීක්ෂණ දෙපාර්තමේන්තුව අධිකරණයට කළ කරුණු දැක්වීමේදි ප්‍රකාශ කළා.

RECENT ARTICLES - SINHALA

පවති අර්බුදකාරී වාතාවරණයෙන් ගොඩ ගතහැකි සාධනීය පියවර 15ක් – ට්‍රාන්ස්පේරන්සි ඉන්ටනැෂනල් ශ්‍රී ලංකා ආයතනය

රටක් වශයෙන් විදෙස් ණය ගෙවීම තාවකාලිකව අත්හිටුවා ඇති පසුබිමක, දිනෙන් දින ආර්ථික හා දේශපාලන අර්බුදය තව තවත් වර්ධනය වන්නාවූ වටපිටාවක මෙම තත්ත්වයෙන්...

විදුලිය කපන්නෙ නැහැ කියලා දේශපාලඥයෝ කියන්නේ බොරු – මහජන උපයෝගීතා කොමිසම

විදුලිය විසන්ධි නොකරන බවට ඇතැම් දේශපාලඥයින් පවසන කරුණු පදනම් විරහිත අසත්‍ය ප්‍රකාශ බව මහජන උපයෝගීතා කොමිෂන් සභාව පවසනවා. අද...

මම කවදාවත් ජනාධිපතිතුමාව නාවලා නැහැ – ඥාණක්කා

0
තමන් ජනාධිපති ගෝඨාභය රාජපක්ෂ මහතාව කිසිදු දිනෙක නහවා නොමැති බව අනුරාධපුරයේ සුප්‍රසිද්ධ චරිතයක් වන ඥාණක්කා පවසනවා. ඒ සන්ඩේ ටයිම්ස්...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...