කටුනායක බණ්ඩාරනායක ජාත්‍යන්තර ගුවන්තොටුපල හරහා ජනාධිපති ගෝඨාභය රාජපක්ෂ විදෙස් ගතවීමට ගත් උත්සහය ආගමන විගමන කාර්ය මණ්ඩලයේ විරෝධය හේතුවෙන් වැළකී ගිය බව AFP පුවත් සේවය වාර්තා කරනවා.
එම පුවත් සේවය පෙන්වා දෙන්නේ VIP ප්‍රවේශ මාර්ගය හරහා ජනාධිපතිවරයා හා ඔහුගේ බිරිද විදෙස් ගතවීමට උත්සහ කළද ඔවුන්ගේ විදේශ ගමන් බලපත්‍රය මුද්‍රා තැබීම ආගමන විගමන කාර්ය මණ්ඩලය ප්‍රතික්ෂේප කළ බවයි.
මේ හේතුවෙන් ගෝඨාභය රාජපක්ෂ හා ඔහුගේ බිරිද වන අයෝමා රාජපක්ෂ කටුනායක ගුවන්තොටුපල අසළ ඇති හමුදා කදවුරක රාත්‍රිය ගතකර තිබෙනවා.
AFP පුවත් සේවය පෙන්වා දෙන්නේ ගෝඨාභය රාජපක්ෂ මහතා ජනාධිපතිවරයාව සිටින තෙක් ව්‍යවස්ථාවට අනුව ඔහුව අත්අඩංගුවට ගැනීමට බලයක් නොමැති නිසා ජනාධිපති ධූරය අහිමිවීමට පෙර ඔහු විදෙස් ගතවීමට උත්සහ කරන බවයි.
කෙසේවෙතත් සාමාන්‍ය ගුවන් පර්යන්තයෙන් හෝ ඔහුට මේ වන විට විදෙස් ගතවීමට නොහැකිව ඇත්තේ එහි සිටින සාමාන්‍ය ජනතාව පහරදීමක් සිදුකිරීමේ බියෙන් බවද AFP පුවත් සේවය පෙන්වා දෙනවා.
