රසායනික පොහොර සහ කෘෂි රසායනික ද්‍රව්‍ය මෙරටට ගෙන්වීම සම්පූර්ණයෙන්ම තහනම් කරමින් පසුගියදා රජය විසින් ගැසට් නිවේදනයක් නිකුත් කර තිබුණා.
කෙසේ වෙතත්, පූර්ණ වශයෙන් එම තහනම ක‍්‍රියාත්මක නොකොට, විශේෂ ආනයන බලපත‍්‍ර රෙගුලාසීන්ට යටත්ව මැයි මාසයේ 06 වන දායින් පසුව ඇතැම් ද්‍රව්‍ය ගෙන ඒමට අවසර ලබා දෙමින් තවත් ගැසට් පත‍්‍රයක් මුදල් අමාත්‍යංශය මගින් නිකුත් කර තිබෙනවා.
රසායනික පොහොර සහ කෘෂිරසායනික ද්‍රව්‍ය ආනයනය පූර්ණ වශයෙන් තහනම් කරන බව පළමුව පවසා, පසුව රජය විසින් ගෙන තිබෙන මෙම නව තීරණය හේතුවෙන් රසායනික පොහොර සහ කෘෂිරසායනික ද්‍රව්‍ය ආනයන කරන සමාගම් ව්‍යාකූලභාවයට පත්ව ඇති බවයි වාර්තා වන්නේ.
මේ සම්බන්ධයෙන් හෙට (10) දිනයේදී ආනයන හා අපනයන පාලන අධ්‍යක්ෂ ජනරාල්වරයා සමග සාකච්ඡා කිරීමට එම සමාගම් සූදානමින් සිටින බවද වාර්තා වනවා.
කෙසේ වෙතත් රසායනික පොහොර සහ කෘෂි රසායනික ද්‍රව්‍ය මෙරටට ගෙන්වීම සම්පූර්ණයෙන්ම තහනම් කරන ලද ගැසට් නිවේදනය නිකුත් කිරීමෙන් පසුව ජනාධිපති ගෝඨාභය රාජපක්ෂ මහතා පසුගියදා ප‍්‍රකාශ කර සිටියේ රසායනික පොහොර තහනම් කළ ලොව පළමු රට බවට ශ්රී ලංකාව පත් කරන බවයි.
අදාල ගැසට් නිවේදනය පහතින්,
