ඉරානය විසින් ඊශ්රායලයට දැඩි මිසයිල ප්රහාරයක් එල්ල කර තිබෙනවා.
විදෙස් මාධ්ය පවසන්නේ ඊයේ (13) රාත්රී ඉරානය විසින් ඊශ්රායලයේ හඳුනාගත් ස්ථාන කිහිපයකට ඩ්රෝන සහ කෲස් මිසයිල ප්රහාර එල්ල කර ඇති බවයි.
ඉරානය විසින් ඔවුන්ගේ භූමියේ සිට සෘජුවම ඊශ්රායලය ඉල්ලක්ක කර ගනිමින් දැඩි ප්රහාරයක් එල්ල කළ පළමු අවස්ථව මෙය බවද විදෙස් මාධ්ය පෙන්වා දෙනවා.
පසුගිය අප්රේල් මස පළමුවන දින සිරියාවේ ඉරාන කොන්සල් කාර්යාලයට එල්ල වූ ප්රහාරයට ප්රතිප්රහාරයක් ලෙස ඉරානය විසින් මෙම ප්රහාරය එල්ල කර ඇති බව සඳහන් වෙනවා.
එම ප්රහාරයෙන් ඉරාන කොන්සල් කාර්යාලයේ සිටි හමුදා ප්රධානීන් 05 දෙනෙකු ඇතුළු පුද්ගලයින් 13 දෙනෙකු මියගොස් තිබුණා.
අදාළ ප්රහාරයට පළි ගැනීමක් වශයෙන් ඊශ්රායලයට ප්රහාර එල්ල කරන බවට ඉරාන නායකයා ප්රකාශ කර තිබූ අතර ඊයේ රාත්රී එම ප්රහාරය දියත් කර ඇති බව සඳහන්.
එහිදී බැලැස්ටික් මිසයිල ප්රහාර ද එල්ල වී ඇති බව වාර්තා වෙනවා..
එමෙන්ම, ඉරානය විසින් ඊශ්රායලයට ප්රහාර එල්ල කිරීමත් සමග මැදපෙරදිග කලාපයේ ගුවන් ගමන් ද නතර කර ඇති බව වාර්තා වෙනවා.
මේ අතර, ඉරානය විසින් දියත් කරන ලද ඩ්රෝන යානා සහ මිසයිල 200 කට වැඩි සංඛ්යාවකින් බහුතරයක් වෙත තම මිත්ර රටවල් ප්රතිප්රහාර එල්ල කළ බව ඊශ්රායලය නිවේදනය කරනවා.
ඔවුන් තවදුරටත් පවසන්නේ ඊශ්රායලය දෙසට ගමන් කළ ඉරාන ඩ්රෝන යානා කිහිපයක් ඇමෙරිකාව විසින් බිඳ හෙළා ඇති බවයි.
මේ අතර, මෙම ප්රහාරයත් සමඟ මේ වන විට ඊශ්රායල අගමැති බෙන්ජමින් නෙතන්යාහු සහ එක්සත් ජනපදයේ ජන්නපති ජෝ බයිඩන් මේ වන විට දුරකථන සංවාදයක නියැලෙන බව විදෙස් මාධ්ය පෙන්වා දෙනවා.