චීනයේ ධීවර නෞකා 400ක් පමණ පසුගිය වසර දෙකක කාලය තුළ තම මුහුදේ අනවසරයෙන් මසුන් මැරූ බවට ආර්ජන්ටිනාව චෝදනා කර තිබේ.
ආර්ජන්ටිනාව විසින් නිකුත් කළ වාර්තාවකට අනුව පසුගිය දෙවසර තුළ එරට මුහුදු සීමාවට අනවසරයෙන් ඇතුලු වී ඇති විදේශ ධීවර යාත්‍රා සංඛ්‍යාව 800 ක් පමණ වේ.
ඉන් හරි අඩක්ම චීනයට අයත් ධීවර නෞකා බවට ආර්ජන්ටිනාව චෝදනා කරයි.
පැසිෆික් සාගරයට අයත් අන්තර්ජාතික මුහුදේ මසුන් මැරීමේ නිරතව සිටින චීන ධීවර නෞකා අනවසරයෙන් තම මුහුදු සීමාවට ඇතුලු වී මත්ස්‍ය සම්පත කොල්ලකන බවට ලතින් ඇමරිකානු රටවල් රැසක් චෝදනා නගන අතර ආර්ජන්ටිනාව සහ ඉක්වදෝරය ඒ අතරින් ප්‍රධාන වේ.
