27 C
Colombo
Tuesday, May 17, 2022

මැරුණ සත්තුන්ට වගඋත්තර බඳින්න නෙමෙයි රු. මිලියන100ක් හොයා ගන්නයි මට ඕනේ

- Advertisement -

සත්ත්වෝද්‍යාන දෙපාර්තමේන්තුව යටතේ සිටි මුළු සත්ත්ව ගහනය වූ 3,485 දෙනෙකුගෙන් සතුන් 38 දෙනෙකු පසුගිය වසරේ මාස 6ක කාලයක් තුළ මියගොස් ඇතැයි එම දෙපාර්තමේන්තුවේ අධ්‍යක්ෂ ජනරාල් ශර්මිලා රාජපක්ෂ මහත්මිය පවසනවා.

විවිධ හේතූන් මත එලෙස සතුන් මියගොස් ඇතැයි රූපවාහිනී වැඩසටහනකට එක් වෙමින් ඇය පවසා සිටියා. මේ අතර එම කාලසීමාව තුළ නව උපත් 93ක් සිදුව ඇති අතර එය 2%ක ප්‍රතිශතයක් බවයි ඇය සඳහන් කරන්නේ.

මාධ්‍යවේදියා –

“සත්ත්ව හුවමාරු වැඩසටහන් යටතේ මෙතෙක් ගෙන ආ සත්තු මියයනවා නම්, සීබ්‍රාලා මියයනවා නම්. එහෙම නැත්නම් ඔරන්ඔටන්ලා මියයනවා නම් මේ එල්ල කරන චෝදනාව වගේ. මම සත්තු අවතක්සේරු කරනවා නමෙයි ලංකාවෙන් ගන්න පුළුවන් වෙයි සමහර විට. අපිට හම්බුවෙනවා. ගෙවල්වල ඉඳලා හම්බුවෙනවා. ගෙනල්ලා භාරදෙනවා. නමුත් මේ වගේ සත්තු ගන්න පුළුවන් ද? “

අධ්‍යක්ෂ ජනරාල්වරිය –

“සීබ්‍රා සත්තු මියයන්නේ, ඉන්බීඩ් වෙලා නිසා. ඉන්බීඩ් වෙලා කියන්නේ, ඒ සත්තුන්ව ගෙනල්ලා ගොඩක් කල්. එකම අම්මාගේ තාත්තාගේ පැටව් එකිනෙකා සමග ඉන්බීඩ්වීම නිසා. ඒක කරලා තියෙන්නේ පසුගිය පරිපාලනයන් යටතේ. නමුත් ඒකේ සයිඩ් ඉෆෙක්ට්ස් හැටියට. ඒ ඉන්බීඩ් වීම නිසා තමයි මේ සත්තු දැන් මියයන්නේ. දැන් මම කියලා තියෙනවා කරුණාකරලා, ඉන්බීඩ් කරන එක නවත්වන්න කියලා. මං කැමති නෑ අරයාගේ වැරදි මෙයාගේ වැරදි කියන්නත් ඒ වගේම මේ ඔක්කෝම කියන්නේ මම එන්න කලින් මැරුණ සත්තු ගැන. ඔරන්ඔටන් මැරුණේ ටීබී හැදිලා. එතකොට ක්ෂය රෝගය හැඳුන සතෙක් බෙහෙත් බිබී ඉන්න ගමන් තමයි මැරුණේ. එතකොට සත්තුත් අපි වගේ සදාකාලිකව ජීවත්වෙන්න ආව සත්තු නෑ.”

මාධ්‍යවේදියා –

“ඉපදුන සත්තුන්ගේ බ්රේක් ඩවුන් එකක් තියෙනවා ද? මැරුන අයගේ තියෙනවා ද?”

අධ්‍යක්ෂ ජනරාල්වරිය –

“පසුගිය මාස 6 තියෙන්නේ දෙසැම්බර් මාසයේ අගට. ක්ෂිරපායින් 31ක් ඉපදිලා තියෙනවා. කුරුල්ලෝ ඉපදිලා තියෙනවා 40ක්. උරගයින් ඉන්නවා පොළොන්ගු 22ක්. ඒ දෙහිවල සත්වෝද්‍යානයේ සත්ව උපත් 93. මරණ ගත්තොත් ක්ෂිරපායින් 8ක්, පක්ෂීන්ලා 17ක් හා උරගයින් 3ක්.”

මාධ්‍යවේදියා –

“එතකොට මේ සත්වෝද්‍යාන සේවකයින් චෝදනා කරන සීබ්‍රා මියයෑම හෝ ඔරන්ඔටන් මියයෑමට හෝ වෙනත් විදේශ සතුන් මියයෑම් හෝ වාර්තා වෙනවා ද?”

අධ්‍යක්ෂ ජනරාල්වරිය –

“මේ ඔක්කෝම”

මාධ්‍යවේදියා –

“ගෙවුණ වසර 2ක කාලය තුළ ද මේ අයගේ චෝදනාව එල්ල වෙලා තියෙන්නේ ඔබතුමිය කියන විදියට ?”

අධ්‍යක්ෂ ජනරාල්වරිය –

“නෑ අවුරුදු 80 ඒවා කියනවා. සමහර ඒවා අවුරුදු 20ක් 30ක් පරණ ඒවත් කියනවා. දැන් මෙහෙමයි මට තියෙන ප්‍රශ්නේ, මට ජනාධිපතිතුමා මේ ආයතනය භාරදුන්නේ, ආදායම් හොයන්නේ, අපිට ටිකට් විකුණලා කීයක් හරි ගන්න නෙමෙයි. මට මිලියන 100ක මාස 2ක බිල් තියෙනවා ගෙවන්න. අපේ සත්තුන්ට කන්න දෙන්න. දැන් මේ සත්තු 38 මැරුණ එකට වගඋත්තර බඳින්නවත් එතකොට පහුගිය අවුරුදු 80 ඇතුළේ මැරුණ සත්තුන්ට වගඋත්තර බඳින්නවත් නෙමෙයි මට ඕනේ දැනට මගේ ආයතනයේ ජීවත්වෙලා ඉන්න සත්තු 4,800ට කන්න දෙන්න රුපියල් මිලියන100ක් හොයා ගන්න ඕනේ මං පහුගිය බිල් ගෙවන්න. ඒ වගේම ඒ බිල් ගෙව්වේ නැත්නම් සප්ලයස්ලා ඒවා නැවැත්තුවොත් මේ සත්තුන්ට කන්න දෙන්න බෑ.”

RECENT ARTICLES - SINHALA

මම ආණ්ඩුවට එකතුවෙලා ඇමතිකමක් ගන්නවා – හරීන් ප්‍රනාන්දු

තමන් රනිල් වික්‍රමසිංහ මහතාගේ ආණ්ඩුවට එක්වී අමාත්‍ය ධූරයක්ද භාරගන්නා බවට සමගි ජනබලවේගය පක්ෂයේ පාර්ලිමේන්තු මන්ත්‍රී හරීන් ප්‍රනාන්දු මහතා පවසනවා.

මහින්දගේ නැතිවූ බලු පැටවෙකු වීරෝධාර පොලීසිය සොයාගනියි

වීරකැටිය කාල්ටන් නිවසට පිරිසක් පහරදුන් අවස්ථාවේදී එම නිවසේ සිටි බලු පැටවුන් තිදෙනාගෙන් එක් බලු පැටවෙකු සොයාගැනීමට ශ්‍රී ලංකා පොලිස් දෙපාර්තමේන්තුවට හැකිවී තිබෙනවා.

අපිට පෙට්‍රල් තියෙන්නේ තව දවසකට විතරයි – අගමැති

මෙරට පෙට්‍රල් සංචිතය ඇත්තේ තව එක් දිනක් සඳහා පමණක් බව අග්‍රාමාත්‍ය රනිල් වික්‍රමසිංහ මහතා පවසනවා. අද (16) ජාතිය අමතමින්...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...