එක් වතාවක් ගෝඨාභය රාජපක්ෂ මහතා දුන් පොරොන්දුවක් හේතුවෙන් තමා රැවටීමට ලක් වූ බව කොළඹ අගරදගුරු මැල්කම් කාදිනල් රංජිත් හිමිපාණන් පවසනවා.
ප්රවෘත්ති සාකච්ඡාවකට එක් වෙමින් අගරදගුරු මැල්කම් කාදිනල් රංජිත් හිමිපාණන් මේ බව සඳහන් කළා.
කාදිනල් හිමියන් මෙහිදී පවසා සිටියේ බලයට පැමිණීමෙන් අනතුරුව පාස්කු ප්රහාරය සම්බන්ධයෙන් සම්පූර්ණ විමර්ශනයක් සිදු කරන බවට ගෝඨාභය රාජපක්ෂ මහතා තමා ඇතුළු අගරදගුරු මණ්ඩලය වෙත වාචික පොරොන්දුවක් ලබා දුන් බවයි.
නමුත්, පාස්කු ප්රහාරය සම්බන්ධ ජනාධිපති කොමිශන් සභා වාර්තාව ලැබීමෙන් අනතුරුව ඒ සම්බන්ධ විමර්ශන සියල්ල අතපසු කර දැමූ බව කාදිනල් හිමියන් තවදුරටත් සඳහන් කළා.
මෙරට දේශපාලන නායකයන් අවංක අරමුණකින් යුතුව කටයුතු නොකරන බවත් යම් කිසි දේශපාලන නායකයෙකු බලයට පැමිණෙන විට ලබා දෙන පොරොන්දු ඉෂ්ඨ කරනු ඇති බවට ජනතාව අපේක්ෂා කරන බවත් කාදිනල් හිමියන් මෙහිදී පෙන්වා දුන්නා.
“ දැන් ඔය රජයේ ඉන්න ඇමති කෙනෙක් මට දොස් කිව්වා මම කතෝලික ඡන්ද ඒ පැත්තට හරවලා දුන්නා කියලා. 5%ක්. නරක වචනත් පාවිච්චි කරමින් මට දොස් කිව්වා. නමුත් එයා දැන් ඒ රජයේ ප්රධාන පෙළේ ඇමතිවරයෙක්. අපේ දේශපාලන නායකයින්ගේ ගතිගුණ ගැන අපි කළකිරෙනවා මේ විදියට.”